Chicken Dosa

ചേരുവകള്‍

ദോശ മാവ് -രണ്ടു കപ്പ്

ചിക്കന്‍ -250 ഗ്രാം
സവാള പൊടിയായി അരിഞ്ഞത് -കാല്‍ കപ്പു
ഇഞ്ചി പൊടിയായി അരിഞ്ഞത് -ഒരു സ്പൂണ്‍
വെളുത്തുള്ളി പൊടിയായി അരിഞ്ഞത് -ഒരു സ്പൂണ്‍
മുളക് പൊടി -ഒരു സ്പൂണ്‍
മഞ്ഞള്‍ പൊടി -ഒരു സ്പൂണ്‍
ഗരം മസാല-ഒരു സ്പൂണ്‍
നാരങ്ങ നീര് -അര സ്പൂണ്‍
ചിക്കന്‍ മസാല -അര സ്പൂണ്‍
കറുവപ്പട്ട -ഒരു കഷണം
ഗ്രാമ്പു -ഒന്ന്
എണ്ണ -ആവശ്യത്തിനു
മല്ലിയില -രണ്ടു തണ്ട്
പുതിനയില -ഒരു തണ്ട്
ഉപ്പ് -പാകത്തിന് 

ഉണ്ടാക്കുന്ന വിധം 
 എല്ലില്ലാത്ത ചിക്കന്‍ ഉപ്പ് ,മഞ്ഞള്‍ പൊടി എന്നിവ ചേര്‍ത്ത് വേവിച്ച ശേഷം മിക്സിയില്‍ ഒന്ന് മിന്‍സ് ചെയ്തു എടുക്കുക. പാനില്‍ എണ്ണ ചൂടാക്കി കറുവപ്പട്ട, ഗ്രാമ്പു എന്നിവ ചതച്ചു ഇടുക ഒന്ന് വഴന്ന ശേഷം സവാള, ഇഞ്ചി, വെളുത്തുള്ളി എന്നിവ ചേര്‍ത്ത് നന്നായി വഴറ്റിയെടുക്കുക . ബ്രൌണ്‍ നിറമാകുമ്പോള്‍ മുളകുപൊടി ,മഞ്ഞള്‍പൊടി, ചിക്കന്‍ മസാല, ഗരം മസാല എന്നിവ ചേര്‍ത്ത് നന്നായി വഴറ്റുക ഇതിലേക്ക് പാകത്തിന് ഉപ്പ് ,മല്ലിയില, പുതിനയില, നാരങ്ങാനീര് എന്നിവ ചേര്‍ത്ത് വഴറ്റുക.ഇതിലേക്ക് മിന്‍സ് ചെയ്ത ചിക്കന്‍ ഇട്ടു അഞ്ചു മിനിറ്റ് വഴറ്റുക.

ചൂടായ ദോശ കല്ലില്‍ ആദ്യം ദോശ പരത്തുക .അതിനു മുകളില്‍ ചിക്കന്‍ കൂട്ട് നിരത്തുക.മാവ് വേവുന്നതിനു മുമ്പ് തന്നെ ചിക്കന്‍ നിരത്തണം. രണ്ടു പുറവും മൊരിച്ച ശേഷം ചൂടോടെ കഴിക്കാം.അല്ലെങ്കില്‍ മസാല ദോശയുടെ ആകൃതിയില്‍ ദോശ മാവു പരത്തിയ  ശേഷം അതിനുള്ളില്‍ ചിക്കന്‍ കൂട്ട് നിരത്തി മടക്കി നന്നായി മൊരിച്ച് എടുത്താലും നല്ല സ്വാദ് ആണ്.

Fish podichu varuthathu

ചേരുവകള്‍ 

മുള്ളില്ലാത്ത മീന്‍ കഷണങ്ങള്‍ ആക്കിയത് -ഒരു കപ്പ്
സവാള അരിഞ്ഞത് -ഒന്ന്
ഇഞ്ചി-വെളുത്തുള്ളി അരച്ചത്‌-- ഒരു സ്പൂണ്‍
പച്ചമുളക് അരിഞ്ഞത് -ഒരു സ്പൂണ്‍
ചതച്ച മുളക് -രണ്ടു സ്പൂണ്‍
മുളക് പൊടി -രണ്ടു സ്പൂണ്‍
മഞ്ഞള്‍ പൊടി -കാല്‍ സ്പൂണ്‍
കുരുമുളക് പൊടി -ഒരു സ്പൂണ്‍
കറിവേപ്പില -രണ്ടു തണ്ട്
ഉപ്പു- പാകത്തിന്
എണ്ണ -ആവശ്യത്തിനു

തയ്യാറാക്കുന്ന വിധം 

മീന്‍ കഷണങ്ങളില്‍ മുളക്,മഞ്ഞള്‍, കുരുമുളക് ,ഉപ്പു എന്നിവ പുരട്ടി അര മണിക്കൂറിനു ശേഷം എണ്ണയില്‍ ചെറുതായി വറുത്തെടുക്കുക.(അധികം വറുക്കണ്ട ) .തണുത്ത ശേഷം മീന്‍ കൈകൊണ്ടു ഉടക്കുക.പാനില്‍ എണ്ണ ചൂടാക്കി സവാള, ഇഞ്ചി-വെളുത്തുള്ളി അരച്ചത്‌,പച്ചമുളക്, എന്നിവ വഴറ്റുക ഇതിലേക്ക് ഉടച്ചു വെച്ച  മീന്‍ ഇടുക . അല്‍പ്പം മുളക്,മഞ്ഞള്‍, ചതച്ച മുളക് എന്നിവ ഇട്ടു വഴറ്റി പാകത്തിന് ഉപ്പും ചേര്‍ക്കുക .നന്നായി ഫ്രൈ ആകുമ്പോള്‍ കറിവേപ്പിലയും അല്‍പ്പം കുരുമുളകും കൂടി ചേര്‍ത്ത് ഒന്ന് ഇളക്കിയ ശേഷം വാങ്ങാം. 

Fish Biriyani (Kerala Style)

ചേരുവകള്‍
ദശക്കട്ടിയുള്ള മീന്‍ കഷണങ്ങള്‍ ആക്കിയത്- അര കിലോ
ബസുമതി അരി-രണ്ടു കപ്പു
ഇഞ്ചി-വെളുത്തുള്ളി അരച്ചത്‌ ഒരു സ്പൂണ്‍
ഇഞ്ചി ചതച്ചത്- ഒരു വലിയ കഷണം
വെളുത്തുള്ളി ചതച്ചത്- അഞ്ചെണ്ണം
പച്ചമുളക് ചതച്ചത്- നാലെണ്ണം
തക്കാളി- ഒന്ന്
സവാള അരിഞ്ഞത് -രണ്ടെണ്ണം
മുളക് പൊടി -രണ്ടു  സ്പൂണ്‍
മഞ്ഞള്‍ പൊടി -കാല്‍ ടീസ്പൂണ്‍
മല്ലി പൊടി -രണ്ടു സ്പൂണ്‍
കുരുമുളക് പൊടി -ഒരു സ്പൂണ്‍
ബിരിയാണി മസാല -രണ്ടു സ്പൂണ്‍
പെരും ജീരക പൊടി -കാല്‍ ടീസ്പൂണ്‍
ഗ്രാമ്പൂ,കറുവപ്പട്ട,ഏലക്ക -എല്ലാം നാലെണ്ണം വീതം
തൈര്-ഒരു സ്പൂണ്‍
മല്ലിയില-ഒരു പിടി
പുതിനയില ഒരു പിടി
ഉപ്പു- പാകത്തിന്
നാരങ്ങ നീര് -ഒരു വലിയ സ്പൂണ്‍
നെയ്യ് -നാലു  സ്പൂണ്‍
കശുവണ്ടി, കിസ്മിസ് -അഞ്ചെണ്ണം വീതം

തയ്യാറാക്കുന്ന വിധം
ബസുമതി അരി നന്നായി കഴുകുക. ഒരു പാത്രത്തില്‍ ഒരു സ്പൂണ്‍ നെയ്യ ചൂടാക്കി അതിലേക്കു പകുതി ഗ്രാമ്പൂ, ഏലക്ക, കറുവപ്പട്ട, എന്നിവ ചേര്‍ത്ത് ചെറുതായി വഴറ്റിയ ശേഷം കാല്‍ സ്പൂണ്‍ ഇഞ്ചി-വെളുത്തുള്ളി അരച്ചതും ചേര്‍ക്കുക. ഇതില്‍ നാലു കപ്പു വെള്ളം ഒഴിച്ച് തിളച്ചു വരുമ്പോള്‍ കഴുകി വെച്ച അരി ഇടുക. അല്‍പ്പം ഉപ്പു ചേര്‍ക്കുക. പാകത്തിന് വേവിച്ചെടുക്കുക അധികം വെന്തു പോകരുത്.
മീന്‍ കഷണങ്ങളില്‍ മുളക്, മഞ്ഞള്‍, കുരുമുളക്, മല്ലിപൊടി , ഇഞ്ചി -വെളുത്തുള്ളി അരച്ചത്‌, തൈര്,ഉപ്പു എന്നിവ പുരട്ടുക.അര മണിക്കൂര്‍ ഫ്രിഡ്ജില്‍ വെച്ച ശേഷം വറുത്തെടുക്കുക . പാനില്‍ നെയ്യ് ചൂടാക്കുക. അതിലേക്കു ബാക്കി പകുതി ഗ്രാമ്പൂ, ഏലക്ക, കറുവപ്പട്ട, ബേ ലീവ്സ്‌ ,എന്നിവ വഴറ്റുക ഇതിലേക്ക് ചതച്ച ഇഞ്ചി, വെളുത്തുള്ളി,പച്ചമുളക് എന്നിവ വഴറ്റി പച്ച മണം മാറുമ്പോള്‍ സവാള, തക്കാളി വഴറ്റുക .ഇതിലേക്ക് മല്ലിയില, പുതിനയില ഇടുക .രണ്ടു മിനിറ്റ് നന്നായി വഴറ്റിയ ശേഷം മഞ്ഞള്‍ പൊടി ,മുളക് പൊടി ,  മല്ലി പൊടി , ബിരിയാണി മസാല, ഗരം മസാല എന്നിവ ചേര്‍ത്ത് വഴറ്റുക. അല്‍പ്പം തൈര് ചേര്‍ക്കുക .മസാല നന്നായി വഴന്നു കഴിയുമ്പോള്‍ നാരങ്ങ നീര്  ചേര്‍ത്ത് പാകത്തിന് ഉപ്പും ചേര്‍ക്കുക. വറുത്തു വെച്ച മീന്‍ കഷണങ്ങള്‍ കൂടി ഇട്ടു ചെറുതായി ഒന്ന് ഇളക്കുക. മറ്റൊരു പാനില്‍ നെയ്യ് ചൂടാക്കി ഒരു സവാള അരിഞ്ഞതും കിസ്മിസ്,അണ്ടിപ്പരിപ്പ് എന്നിവ വറുത്തെടുക്കുക.
ഒരു വലിയ ബിരിയാണി ചെമ്പ് ചെറിയ തീയില്‍ വെക്കുക  ആദ്യം കുറച്ചു  ചോറ് ഇടുക. അതിനു മുകളില്‍ വറുത്ത സവാള, കിസ്മിസ് അണ്ടിപരിപ്പ് എന്നിവ കുറച്ചു വിതറുക അതിനു മുകളില്‍ തയ്യാറാക്കി വെച്ച മീന്‍ മസാല ഇടുക. വീണ്ടും ഇതേ പോലെ മൂന്നു ലെയര്‍ ആക്കുക ഏറ്റവും മുകളില്‍ ആയി ബാക്കി വറുത്ത സവാളയും മറ്റും വിതറി അല്‍പ്പം മല്ലിയിലയും വിതറി അടച്ചു വെച്ച ശേഷം ഒരു രണ്ടു മിനിറ്റ് കൂടി തീയില്‍ വെച്ച ശേഷം തീ ഓഫ്‌ ചെയ്യുക .ചൂടോടെ സലാഡ്, പപ്പടം എന്നിവയ്ക്കൊപ്പം കഴിക്കാം

Fish with Sauce

ഫിഷ്‌ ഫില്ലെറ്റ് -ഒന്ന് 

സവാള -ഒന്ന് 

കാപ്സിക്കം-ഒന്ന് 

തക്കാളി കുരു കളഞ്ഞത് -ഒന്ന് 

വെളുത്തുള്ളി-നാലെണ്ണം 

സ്പ്രിംഗ് ഒനിയന്‍ -കാല്‍ കപ്പു 

കുരുമുളക് ചതച്ചത് -രണ്ടു സ്പൂണ്‍ 

പച്ചമുളക്- ഒന്ന് 

വറ്റല്‍ മുളക് -രണ്ടെണ്ണം 

ചില്ലി-ഗാര്‍ലിക് സോസ് -രണ്ടു സ്പൂണ്‍ 

തക്കാളി സോസ് -രണ്ടു സ്പൂണ്‍ 

സോയ സോസ്- രണ്ടു സ്പൂണ്‍ 

ഓള്‍ പര്‍പസ് സോസ് -ഒരു സ്പൂണ്‍ 

വിനഗേര്‍ -ഒരു സ്പൂണ്‍ 

കോണ്‍ ഫ്ലവര്‍ -ഒരു സ്പൂണ്‍ 

ഉപ്പു-പാകത്തിന് 

പഞ്ചസാര-ഒരു സ്പൂണ്‍ 

ഒലിവ് ഓയില്‍ -രണ്ടു സ്പൂണ്‍ 

തയ്യാറാക്കുന്ന വിധം 

പച്ചക്കറികള്‍ എല്ലാം നീളത്തില്‍ അരിയുക . തക്കാളി കുരു കളഞ്ഞു വേണം അരിയാന്‍ . മീനില്‍ എല്ലാ സോസും അര സ്പൂണ്‍ വീതവും  കുരുമുളക്, ഉപ്പു, കോണ്‍ ഫ്ലവര്‍ എന്നിവയും പുരട്ടി ചെറുതായി വറുക്കുക. അധികം .ഇത് ഒരു പ്ലേറ്റിലേക്ക് മാറ്റുക.ഒരു ബൌളില്‍ ബാക്കി എല്ലാ സോസും വിനഗെരും പഞ്ചസാരയും ചേര്‍ത്ത് യോജിപ്പിക്കുക    ചീന ചട്ടിയില്‍ ഒലിവ് ഓയില്‍   ചൂടാക്കി അതിലേക്കു വെളുത്തുള്ളി, സവാള,  തക്കാളി, കാപ്സിക്കം, വറ്റല്‍ മുളക് രണ്ടായി കീറിയത് എന്നിവ ഇട്ടു ചെറുതായി വഴറ്റുക. യോജിപ്പിച്ച് വെച്ച സോസ് മിശ്രിതം കൂടി ചേര്‍ത്ത് ഒന്ന് ഇളക്കിയ ശേഷം പാകത്തിന് ഉപ്പു ചേര്‍ക്കുക. ചതച്ച കുരുമുളക് ചേര്‍ക്കുക. സ്പ്രിംഗ് ഒനിയന്‍ അരിഞ്ഞതും ചേര്‍ത്ത് ഒന്ന് ഇളക്കിയ ശേഷം വറുത്തു വെച്ചിരിക്കുന്ന മീനിനു മുകളില്‍ ഒഴിച്ച് ചൂടോടെ ബ്രെഡ്‌/// / ചേര്‍ത്ത് കഴിക്കാം. 

Prawns Roast with coconut

ചെമ്മീന്‍ വൃത്തിയാക്കിയത് -അര കിലോ 

സവാള -ഒരു കപ്പു 

ഇഞ്ചി -ഒരു വലിയ കഷണം 

വെളുത്തുള്ളി- അഞ്ചെണ്ണം

പച്ചമുളക് -അഞ്ചെണ്ണം 

തേങ്ങാ കൊത്ത്  -കാല്‍ കപ്പ് 

തക്കാളി- ഒന്ന് 

കുടംപുളി-രണ്ടു കഷണം 

കറിവേപ്പില- രണ്ടു തണ്ട് 

മുളക് പൊടി -രണ്ടു സ്പൂണ്‍ 

മഞ്ഞള്‍ പൊടി -കാല്‍ ടീസ്പൂണ്‍ 

മല്ലിപൊടി- രണ്ടു സ്പൂണ്‍ 

ഗരം മസാല- രണ്ടു സ്പൂണ്‍ 

കുരുമുളക് -ഒരു സ്പൂണ്‍ 

പെരുംജീരക പൊടി -ഒരു സ്പൂണ്‍ 

ഉപ്പു- ആവശ്യത്തിനു 

വെളിച്ചെണ്ണ -ആവശ്യത്തിനു 

കടുക്- കാല്‍ സ്പൂണ്‍ 

ഉണ്ടാക്കുന്ന വിധം 

സവാള, ഇഞ്ചി, വെളുത്തുള്ളി, പച്ചമുളക് എന്നിവ കനം കുറച്ചു നീളത്തില്‍ അരിയുക . ചീനച്ചട്ടിയില്‍ എണ്ണ ചൂടാക്കി സവാള, ഇഞ്ചി, വെളുത്തുള്ളി, പച്ചമുളക്, തേങ്ങ കൊത്ത് എന്നിവ വഴറ്റുക കറിവേപ്പിലയും ചേര്‍ക്കുക സവാള ബ്രൌണ്‍ നിറമാകുമ്പോള്‍ കുരുമുളക്,  മുളക്, മഞ്ഞള്‍, മല്ലി, ഗരം പെരുംജീരകം തുടങ്ങി എല്ലാ പൊടികളും ചേര്‍ത്ത് വഴറ്റുക.തക്കാളി ചേര്‍ക്കുക. കുടംപുളി ഇടുക.  പാകത്തിന് ഉപ്പു ചേര്‍ക്കുക. ഇതിലേക്ക് ചെമ്മീന്‍  ഇടുക .ഒന്ന് ഇളക്കിയ ശേഷം കാല്‍ കപ്പു  വെള്ളം ഒഴിച്ച് അടച്ചു വെച്ച് വേവിക്കുക .ചെമ്മീന്‍  വെന്തു ചാറു കുറുകുമ്പോള്‍ അടുപ്പില്‍ നിന്നും വാങ്ങുക. മറ്റൊരു ചീനച്ചട്ടിയില്‍ എണ്ണ ചൂടാക്കി കടുക്, ഒരു സവാള അരിഞ്ഞത് , രണ്ടു പച്ചമുളക്, കറിവേപ്പില എന്നിവ താളിച്ച്‌ കറിയില്‍ ചേര്‍ത്ത് ഇളക്കുക .അപ്പം/ചോറ്/ചപ്പാത്തി എന്നിവയ്ക്കൊപ്പം കഴിക്കാം .

Plain Rice

ചേരുവകള്‍ 

ബസുമതി അരി-രണ്ടു കപ്പു 

ഗ്രാമ്പൂ -നാലെണ്ണം 

കറുവപ്പട്ട- രണ്ടെണ്ണം 

ബേ ലീവ്സ്‌ -നാലെണ്ണം 

ഏലക്ക-രണ്ടെണ്ണം 

ഉപ്പു- പാകത്തിന് 

നെയ്യ് -ഒരു സ്പൂണ്‍ 

തയ്യാറാക്കുന്ന വിധം 

ഒരു വലിയ പത്രത്തില്‍ ഒരു സ്പൂണ്‍ നെയ്യ് ചൂടാക്കി അതിലേക്കു ഗ്രാമ്പൂ, ഏലക്ക, കറുവപ്പട്ട, ബേ ലീവ്സ്‌ എന്നിവ വഴറ്റുക .നാലു കപ്പു വെള്ളം ഒഴിച്ച് തിളച്ചു വരുമ്പോള്‍ അരി കഴുകി ഇടുക. പകുതി വേവ് ആകുമ്പോള്‍ ഉപ്പു ചേര്‍ക്കുക. പത്തു മിനിറ്റ് മതി അരി വേകാന്‍. . വെന്തു കഴിയുമ്പോള്‍ വലിയ അരിപ്പയിലെക്കു ചോറ് കോരി വെള്ളം വാര്‍ന്നു കഴിയുമ്പോള്‍ ചൂടോടെ കഴിക്കാം. 

Grape Wine

ആവശ്യമായ സാധനങ്ങള്‍

കറുത്ത മുന്തിരി -അഞ്ചു കിലോ 

പഞ്ചസാര- രണ്ടര കിലോ 

തിളപ്പിച്ചാറിയ വെള്ളം- പതിനൊന്നു  ലിറ്റര്‍

യീസ്റ്റ്-രണ്ടര ടീസ്പ്പൂണ്‍

കറുവാപ്പട്ട ചതച്ചത് - നൂറ്റി അമ്പതു  ഗ്രാം

ഗ്രാമ്പൂ -പത്തെണ്ണം 

തയ്യാറാക്കുന്ന വിധം
വൈന്‍ ഉണ്ടാക്കുന്നതിനുള്ള ഭരണി , മറ്റു പാത്രങ്ങള്‍  എല്ലാം ചൂട് വെള്ളത്തില്‍ കഴുകി തുടച്ചെടുക്കുക. മുന്തിരി വൃത്തിയാക്കി തുടച്ചു ഭരണിയില്‍ ഇടുക കൈകൊണ്ടു മുന്തിരി നന്നായി ഞരടുക. കുറേശെ പഞ്ചസാര കൂടി ഇട്ടു ഞരടുക. തിളപ്പിച്ച്‌ ആറിയ വെള്ളം ഒഴിക്കുക. മുഴുവന്‍ പഞ്ചസാരയും വെള്ളവും ഒഴിച്ച ശേഷം കറുവപ്പട്ട,ഗ്രാമ്പൂ,എന്നിവ ചതച്ചു ഇടുക. ഒന്ന് ഇളക്കിയ ശേഷം യീസ്റ്റ് ഇടുക. യീസ്റ്റിനു പകരം ഗോതമ്പ് ചതച്ചു ഇട്ടാലും മതി മരതവി കൊണ്ട് വീണ്ടും ഇളക്കിയ ശേഷം വായു അധികം കടക്കാത്ത തരത്തില്‍ തുണി കൊണ്ട് കെട്ടി വെക്കുക എല്ലാ ദിവസവും വൈന്‍ മരതവി കൊണ്ട് ഇളക്കി വെക്കണം. ഇരുപത്തി ഒന്ന് ദിവസം ആകുമ്പോള്‍ വൈന്‍ തുണിയില്‍ അരിച്ചു കുപ്പിയില്‍ ആക്കി സൂക്ഷിക്കാം വൈനിനു നല്ല നിറം വേണമെന്നുണ്ടെങ്കില്‍ നാലു കപ്പു പഞ്ചസാര കരിച്ചു ചേര്‍ത്ത ശേഷം കുപ്പിയില്‍ ആക്കുക വീണ്ടും പത്തോ ഇരുപതോ ദിവസം കഴിയുമ്പോള്‍ ഉപയോഗിക്കാം 

Chicken Roast

ചേരുവകള്‍


ചിക്കന്‍ -ഒരു കിലോ
സവാള -ഒരു കപ്പു
ഇഞ്ചി -ഒരു വലിയ കഷണം
വെളുത്തുള്ളി- അഞ്ചെണ്ണം
പച്ചമുളക് -അഞ്ചെണ്ണം
തക്കാളി- ഒന്ന്
കറിവേപ്പില- രണ്ടു തണ്ട്
മുളക് പൊടി -രണ്ടു സ്പൂണ്‍
മഞ്ഞള്‍ പൊടി -കാല്‍ ടീസ്പൂണ്‍
മല്ലിപൊടി- രണ്ടു സ്പൂണ്‍
ഗരം മസാല- രണ്ടു സ്പൂണ്‍
പെരുംജീരക പൊടി -ഒരു സ്പൂണ്‍
ഉപ്പു- ആവശ്യത്തിനു
വെളിച്ചെണ്ണ -ആവശ്യത്തിനു
കടുക്- കാല്‍ സ്പൂണ്‍

ഉണ്ടാക്കുന്ന വിധം
സവാള, ഇഞ്ചി, വെളുത്തുള്ളി, പച്ചമുളക് എന്നിവ കനം കുറച്ചു നീളത്തില്‍ അരിയുക . ചീനച്ചട്ടിയില്‍ എണ്ണ ചൂടാക്കി സവാള, ഇഞ്ചി, വെളുത്തുള്ളി, പച്ചമുളക് എന്നിവ വഴറ്റുക കറിവേപ്പിലയും ചേര്‍ക്കുക സവാള ബ്രൌണ്‍ നിറമാകുമ്പോള്‍ മുളക്, മഞ്ഞള്‍, മല്ലി, ഗരം പെരുംജീരകം തുടങ്ങി എല്ലാ പൊടികളും ചേര്‍ത്ത് വഴറ്റുക.തക്കാളി ചേര്‍ക്കുക.  പാകത്തിന് ഉപ്പു ചേര്‍ക്കുക. ഇതിലേക്ക് വൃത്തിയാക്കി കഷണങ്ങള്‍ ആകിയ ചിക്കന്‍ ഇടുക .ഒന്ന് ഇളക്കിയ ശേഷം കാല്‍ കപ്പു  വെള്ളം ഒഴിച്ച് അടച്ചു വെച്ച് വേവിക്കുക .ചിക്കന്‍ വെന്തു ചാറു കുറുകുമ്പോള്‍ അടുപ്പില്‍ നിന്നും വാങ്ങുക. മറ്റൊരു ചീനച്ചട്ടിയില്‍ എണ്ണ ചൂടാക്കി കടുക്, ഒരു സവാള അരിഞ്ഞത് , രണ്ടു പച്ചമുളക്, കറിവേപ്പില എന്നിവ തളിച്ച് ചിക്കെനില്‍ ചേര്‍ത്ത് ഇളക്കുക .അപ്പം/ചോറ്/ചപ്പാത്തി എന്നിവയ്ക്കൊപ്പം കഴിക്കാം

Black Forest Cake

വേണ്ട ചേരുവകള്‍ 

കേക്കിനു 

അണ്‍ സാള്‍ടെഡ് ബട്ടര്‍ -മൂന്നു ടേബിള്‍ സ്പൂണ്‍ 

മൈദാ -അര കപ്പ് 

ഉപ്പു -1/4 ടീസ്പൂണ്‍ 

കൊക്കാ പൌഡര്‍ -1/3 കപ്പ് 

ബേക്കിംഗ് സോഡാ -ഒരു ടീസ്പൂണ്‍ 

മുട്ട-നാലെണ്ണം 

വൈറ്റ് ഷുഗര്‍-- -2/3 കപ്പ് 

വാനില എക്സ്ട്രാക്റ്റ് -ഒരു ടേബിള്‍ സ്പൂണ്‍ 

വിപ്പിംഗ് ക്രീം ഫ്രോസ്ടിംഗ് 

ഹെവി വിപ്പിംഗ് ക്രീം -2 1/2 കപ്പ് 

വാനില എക്സ്ട്രാക്റ്റ് -ഒരു ടേബിള്‍ സ്പൂണ്‍ 

വൈറ്റ് ഷുഗര്‍ -മൂന്നു ടേബിള്‍ സ്പൂണ്‍ 

അലങ്കരിക്കാന്‍ 

ചെറി സിറപ്പ് -700 മില്ലി 

വൈറ്റ് ഷുഗര്‍ -1/4 കപ്പ് 

ചെറി -100 ഗ്രാം 

തയ്യാറാക്കുന്ന വിധം 

1. കേക്ക്  പാനില്‍ അല്‍പ്പം ബട്ടര്‍ തൂവുക. ഒരു ബൌളില്‍ അര കപ്പ് മൈദാ, ഉപ്പ് , കൊക്കാ പൌഡര്‍,എന്നിവ മിക്സ് ചെയ്യുക ഒരു അരിപ്പയില്‍ അരിച്ചു വേണം ബൌളിലേക്ക് ഇടാന്‍.. .മറ്റൊരു ബൌളില്‍ മുട്ട, 2/3 കപ്പ്‌ പഞ്ചസാര എന്നിവ യോജിപ്പിക്കുക. ഒരു സോസ് പാനില്‍ അല്‍പ്പം വെള്ളം  തിളപ്പിച്ച്‌ അതിനു മുകളില്‍ മുട്ട കൂട്ട്  ഒരു പാത്രത്തിലാക്കി വെക്കുക .നന്നായി ഇളക്കി കൊടുക്കുക .കൂട്ട് പേസ്റ്റ് രൂപത്തില്‍ ആകുമ്പോള്‍ മാറ്റുക.അതിനു ശേഷം ഒരു സ്പൂണ്‍ വാനില ചേര്‍ത്ത് കൂട്ട് നന്നായി ഹാന്‍ഡ്‌ മിക്സര്‍ ഉപയോഗിച്ച് ബീറ്റ് ചെയ്യുക. ഈ മുട്ട കൂട്ടിലേക്ക് മൈദാ കൂട്ട് കുറേശ്ശെ ആയി ഇട്ടു ഇളക്കി കൊടുക്കുക. ഇതിലേക്ക് മൂന്നു ടീസ്പൂണ്‍ ബട്ടര്‍ ഉരുക്കി ഒഴിച്ച് നന്നയി ബീറ്റ് ചെയ്യുക. ഇത് കേക്ക് പാനിലേക്ക് ഒഴിച്ച് 20-25 മിനിറ്റ് ബേക്ക് ചെയ്യുക. 

ചെറി സിറപ്പ് ഒരു സോസ് പാനില്‍ ഒഴിച്ച് 50 ഗ്രാം പഞ്ചസാരയും ചേര്‍ത്ത് ചെറുതായി ചൂടാക്കുക. വിപ്പിംഗ് ക്രീം , മൂന്നു സ്പൂണ്‍ പഞ്ചസാര, ഒരു സ്പൂണ്‍ വാനില എന്നിവ ഇട്ടു നന്നായി ബീറ്റ് ചെയ്യുക.ഇത് അര മണിക്കൂര്‍ ഫ്രിഡ്ജില്‍ വെച്ച് തണുപ്പിക്കുക.ബേക്ക് ചെയ്ത കേക്ക് തണുത്തു കഴിയുമ്പോള്‍ രണ്ടു ലെയര്‍ ആയി മുറിക്കുക .ഒന്നാമത്തെ ലെയറിനു മുകളില്‍ ആയി ചെറി സിറപ്പ് പുരട്ടുക .അതിനു മുകളില്‍ വിപ്പിംഗ് ക്രീം പുരട്ടുക . അതിനു മുകളിലായി ചെറി നിരത്തുക. രണ്ടാമത്തെ ലെയര്‍ കേക്കില്‍ ചെറി സിറപ്പ് പുരട്ടിയ ശേഷം ഇതിനു മുകളില്‍  വെക്കുക. അതിനു ശേഷം വീണ്ടും വിപ്പിംഗ് ക്രീം തെക്കുക. കേക്കിനു മുകളില്‍ ചെറി വെച്ച് അലങ്കരിച്ച ശേഷം നടുക്ക് ചോക്ലേറ്റ് നീളത്തില്‍ അരിഞ്ഞു ഇടുക.പത്തു മിനിറ്റ് കൂടി ഫ്രിഡ്ജില്‍ വെച്ച ശേഷം ഉപയോഗിക്കാം.

No Bake Cheese Cake

ചേരുവകള്‍ 

ഡൈജെസ്റ്റീവ് ബിസ്കറ്റ് -100 gram 

വൈറ്റ് ഷുഗര്‍ -80 gram

അണ്‍ സാള്‍ടെഡ് -ബട്ടര്‍ -85 gram

അണ്‍ സാള്‍ടെഡ് ക്രീം ചീസ് -227 gram

വിപ്പിംഗ് ക്രീം -1 cup

വാനില എക്സ്ട്രാക്റ്റ് -ഒരു സ്പൂണ്‍ 

ചെറി - 500 gram

തയ്യാറാക്കുന്ന വിധം 

ഒരു വലിയ ബൌളില്‍ പൊടിച്ച ഡൈജെസ്റ്റീവ് ബിസ്കറ്റ്, പഞ്ചസാര, ഉരുക്കിയ ബട്ടര്‍  എന്നിവ ചേര്‍ത്ത് നന്നായി ഇളക്കുക. ഇത് കേക്ക് പാനിലേക്ക് ഇട്ടു അതില്‍ നന്നായി കൈ കൊണ്ട് പ്രസ്‌ ചെയ്യുക. പാനിന്റെ എല്ലാ സൈഡിലും മധ്യ ഭാഗത്തും  ഈ കൂട്ട് നന്നായി തേച്ചു പിടിപ്പിക്കുക റിമൂവബിള്‌ ബോട്ടം ഉള്ള കേക്ക് പാന്‍ വേണം ഉപയോഗിക്കാന്‍.. പാനില്‍ മുഴുവനായും വട്ടത്തില്‍ ഈ കൂട്ട് തേച്ചു പിടിപ്പിക്കുക. അതിനു ശേഷം ഒരു പ്ലാസ്റിക് റാപ് കൊണ്ട് മൂടി ഫ്രീസറില്‍ വെക്കുക. നാലുഅഞ്ചു മണിക്കൂര്‍ വെച്ചാല്‍ മതി. 

ഒരു ബൌളില്‍ ക്രീം  ചീസ് നന്നായി അടിച്ചെടുക്കുക ഇലക്ട്രിക് മിക്സര്‍ അല്ലെങ്കില്‍ ഹാന്‍ഡ്‌ മിക്സര്‍ ഉപയോഗിച്ച്  അടിച്ചാലും  മതി. ഇതിലേക്ക് പഞ്ചസാര ചേര്‍ക്കുക. വാനിലയും കൂടി ചേര്‍ത്ത് നല്ല സോഫ്റ്റ്‌ ആകുന്നത്‌ വരെ ഹാന്‍ഡ്‌ മിക്സര്‍ ഉപയോഗിച്ച് അടിക്കുക. 

മറ്റൊരു ബൌളില്‍ വിപ്പിംഗ് ക്രീം എടുത്തു നന്നായി ഹാന്‍ഡ്‌ മിക്സര്‍ ഉപയോഗിച്ച് അടിച്ച ശേഷം ക്രീം ചീസ് കൂട്ടിലേക്ക് ഒഴിച്ച് വീണ്ടും നന്നായി ഇളക്കുക. ഫ്രീസെറില്‍ സൂക്ഷിച്ച കേക്ക് പാന്‍ എടുത്തു ബിസ്കറ്റ് കൂട്ടിനു മുകളിലായി ഈ ചീസ് കൂട്ട് ഒഴിക്കുക.പ്ലാസ്റിക് റാപ് കൊണ്ട് മൂടിയ   ശേഷം വീണ്ടും ഒരു രാത്രിയോ അല്ലെങ്കില്‍ നാലോ അഞ്ചോ മണിക്കൂര്‍ തണുപ്പിക്കുക. നന്നായി തണുത്ത ശേഷം കേക്ക് പാനിന്റെ എല്ലാ വശത്തും കൈകൊണ്ടു ഒന്ന് പ്രസ്‌ ചെയ്ത ശേഷം പാനിന്റെ ബോട്ടം പതുക്കെ മുകളിലേക്ക് പൊക്കി കേക്ക്  ഒരു പരന്നപാത്രത്തിലേക്ക് മാറ്റുക. കേക്കിന് മുകളില്‍ ചെറി വെച്ച് അലങ്കരിക്കാം.വീണ്ടും ഒരു മണികൂര്‍ അല്ലെങ്കില്‍ ഒരു രാത്രി ഫ്രിഡ്ജില്‍ വെച്ച ശേഷം ഉപയോഗിക്കാം .

(Courtesy Joyof baking.com)