ആവശ്യമായ സാധനങ്ങള്‍
ബസുമതി അരി- രട്നു ഗ്ലാസ്
കാരറ്റ് ഗ്രേറ്റ്‌ ചെയ്തത്- ഒരു കപ്പു
സവാള അരിഞ്ഞത്-ഒന്ന്
പച്ചമുളക്- മൂന്നെണ്ണം
ഗ്രാമ്പൂ, ഏലക്ക, കറുവ പട്ട- എല്ലാം രണ്ടെണ്ണം
പെരുംജീരകം- കാല്‍ സ്പൂണ്‍
മഞ്ഞള്‍ പൊടി- കാല്‍ ടീസ്പൂണ്‍
കുരുമുളക് പൊടി-കാല്‍ ടീസ്പൂണ്‍
ഗരം മസാല- ഒരു സ്പൂണ്‍
നാരങ്ങ നീര്- ഒരു സ്പൂണ്‍
നെയ്യ്- രണ്ടു സ്പൂണ്‍
നെയ്യ്- രണ്ടു സ്പൂണ്‍
കശുവണ്ടി പരിപ്പ്-50 ഗ്രാം
കിസ്മിസ്-50ഗ്രാം
ഉണ്ടാക്കുന്ന വിധം
രണ്ടു കപ്പു അരിക്ക് നാലു കപ്പു വെള്ളമെടുത്തു തിളപ്പിക്കുക. ഇതിലേക്ക് കറുവാപട്ട, ഗ്രാമ്പു, ഏലക്ക എന്നിവ ഇട്ടു തിളച്ച ശേഷം അരി ഇട്ടു അധികം വെന്തു പോകാതെ വേവിച്ചെടുക്കുക. ചീനച്ചട്ടിയില്‍എണ്ണ ചൂടാക്കി സവാള,പച്ചമുളക് എന്നിവ വഴറ്റുക. ഇതിലേക്ക് ഗ്രേറ്റ്‌ ചെയ്ത കാരറ്റും ചേര്‍ത്ത് നന്നയി വഴറ്റുക. രണ്ടു സ്പൂണ്‍ നെയ്യും ഒഴിക്കുക. ഇതിലേക്ക് മഞ്ഞള്‍ പൊടി, കുരുമുളക് പൊടി, പാകത്തിന് ഉപ്പു എന്നിവ ചേര്‍ത്ത് വഴറ്റിയ ശേഷം വേവിച്ച അരി ഇട്ടു ഇളക്കുക. ഗരം മസാല ചേര്‍ത്ത് വീണ്ടും ഇളക്കുക. നാരങ്ങ നീരും മല്ലിയിലയും ചേര്‍ത്ത് വാങ്ങുക. നെയ്യില്‍ കശുവണ്ടി പരിപ്പും കിസ്മിസും ഇട്ടു വറുത്ത് ചോറിനു മുകളില്‍ വെച്ച് അലങ്കരിക്കാം. തേങ്ങ ഇഷ്ടമുള്ളവര്‍ അല്‍പ്പം തേങ്ങ ചിരകിയതും ചോറില്‍ ചേര്‍ത്ത് ഉപയോഗിക്കാം.
