10/20/2012

Chicken curry


ചേരുവകള്‍
ചിക്കന്‍ -അര കിലോ 
സവാള അരിഞ്ഞത്- ഒരു കപ്പു
ഇഞ്ചി അരിഞ്ഞത്-ഒരു സ്പൂണ്‍ 
വെളുത്തുള്ളി അരിഞ്ഞത്- ഒരു സ്പൂണ്‍
ഇഞ്ചി-വെളുത്തുള്ളി അരച്ചത്‌- രണ്ടു സ്പൂണ്‍
പച്ചമുളക് അരിഞ്ഞത്- ഒരു സ്പൂണ്‍
തക്കാളി- ഒന്ന്
മുളക് പൊടി-നാലു സ്പൂണ്‍
മഞ്ഞള്‍ പൊടി-കാല്‍ ടീസ്പൂണ്‍
മല്ലി പൊടി-രണ്ടു സ്പൂണ്‍
ചിക്കന്‍ മസാല- ഒരു സ്പൂണ്‍
ഉപ്പു- പാകത്തിന്
കറിവേപ്പില-ഒരു തണ്ട്
എണ്ണ-ആവശ്യത്തിനു 

ഉണ്ടാക്കുന്ന വിധം
ഒരു ചീനച്ചട്ടിയില്‍ എണ്ണ ചൂടാക്കി സവാള, ഇഞ്ചി, വെളുത്തുള്ളി, തക്കാളി എന്നിവ എല്ലാം നന്നായി വഴറ്റുക. അതിലേക്കു മുളകുപൊടി, മല്ലിപൊടി, മഞ്ഞള്‍ പൊടി, കറിവേപ്പില, ചിക്കന്‍ മസാല, ഉപ്പു എന്നിവ ചേര്‍ത്ത് വഴറ്റുക. തീ ഓഫ്‌ ചെയ്തു കൂട്ട് തണുത്ത ശേഷം മിക്സിയില്‍ നന്നായി അരച്ചെടുക്കുക. ചീനച്ചട്ടിയില്‍ എണ്ണ ചൂടാക്കി ഈ അരപ്പു ഇട്ടു ഒന്ന് വഴറ്റിയ ശേഷം ചിക്കന്‍ കഷണങ്ങളും അല്‍പ്പം വെള്ളവും ചേര്‍ത്ത് വേവിക്കുക. ചാറ് കുറുകുമ്പോള്‍ കറിവേപ്പില ചേര്‍ത്ത്  വാങ്ങാം. 

Broccoli Salad with chicken


ചേരുവകള്‍
ബ്രോക്കോളി അരിഞ്ഞത്-ഒരു കപ്പു
സവാള അരിഞ്ഞത്- കാല്‍ കപ്പു
ചിക്കന്‍ എല്ലില്ലാത്തത്-കാല്‍ കപ്പു 
കുരുമുളക് ചതച്ചത്-ഒരു സ്പൂണ്‍
ചില്ലി മയോണൈസ്- രണ്ടു സ്പൂണ്‍
മയോണൈസ്- ഒരു സ്പൂണ്‍ 
ഉപ്പു-പാകത്തിന്
വിനഗെര്‍- -ഒരു സ്പൂണ്‍

തയ്യാറാക്കുന്ന വിധം
 ചില്ലി മയോണൈസ്, മയോണൈസ്,വിനഗെര്‍ ,ഉപ്പു എന്നിവ യോജിപ്പിക്കുക.ചിക്കന്‍ ഉപ്പു, കുരുമുളക് എന്നിവ പുരട്ടി വറുത്തു ചെറിയതായി മുറിച്ചെടുക്കുക. ഒരു പാത്രത്തില്‍ ബ്രോകോളി,സവാള, കുരുമുളക്, ചിക്കന്‍ എന്നിവ യോജിപ്പിക്കുക. (ചിക്കെന് പകരം ബീഫ് ആയാലും നല്ലതാണ്).ഇതിലേക്ക് മയോണൈസ് കൂട്ടും ചേര്‍ത്ത് നന്നായി യോജിപ്പിച്ച് ഒരു മണികൂര്‍ ഫ്രിഡ്ജില്‍ വെച്ച് തണുപ്പിച്ച ശേഷം ഉപയോഗിക്കാം.