9/23/2012

Chicken varutharachathu


ചിക്കന്‍-- ചെറിയ കഷണങ്ങള്‍ ആക്കിയത്- അര കിലോ
തേങ്ങ ചിരകിയത്- ഒരു കപ്പു
സവാള അരിഞ്ഞത്- രണ്ടെണ്ണം
പച്ചമുളക് ചതച്ചത് -നാലെണ്ണം
ഇഞ്ചി ചതച്ചത്- ഒരു സ്പൂണ്‍
വെളുത്തുള്ളി ചതച്ചത്- ഒരു സ്പൂണ്‍ 
കറിവേപ്പില- രണ്ടു തണ്ട്
വറ്റല്‍ മുളക്- പത്തെണ്ണം
മല്ലി പൊടി- നാലു സ്പൂണ്‍
ഗരം മസാല- രണ്ടു സ്പൂണ്‍
ചിക്കന്‍ മസാല- ഒരു സ്പൂണ്‍
ഉപ്പു-പാകത്തിന്

ഉണ്ടാക്കുന്ന വിധം
ചിക്കന്‍ കഷണങ്ങള്‍ മഞ്ഞള്‍ പൊടി, ഉപ്പു എന്നിവ ചേര്‍ത്ത് വേവിക്കുക.തേങ്ങ, വറ്റല്‍ മുളക്, മല്ലിപൊടി, ഗരം മസാല എന്നിവ ചേര്‍ത്ത് വറുത്ത ശേഷം നന്നായി അരച്ചെടുക്കുക. ചീനച്ചട്ടിയില്‍ എണ്ണ ചൂടാക്കി സവാള, പച്ചമുളക്, ഇഞ്ചി, വെളുത്തുള്ളി, കറിവേപ്പില എന്നിവ ഇട്ടു നന്നായി വഴറ്റുക. ചിക്കന്‍ മസാല ചേര്‍ത്ത് വഴറ്റുക. ഇതിലേക്ക് അരച്ച് വെച്ച തേങ്ങയും പാകത്തിന് ഉപ്പും ചെറുത്‌ അല്‍പ്പം വെള്ളം ഒഴിച്ച് തിളപ്പിക്കുക. വേവിച്ചു വെച്ച ചിക്കന്‍ കഷണങ്ങള്‍ കൂടി ചേര്‍ത്ത് ചാറ് കുറുകുമ്പോള്‍ വാങ്ങാം. 

Chicken ularthiyathu

ചിക്കന്‍- - ഒരു കിലോ
സവാള- നാലെണ്ണം
പച്ചമുളക്-രണ്ടെണ്ണം 
ഇഞ്ചി- വെളുത്തുള്ളി അരച്ചത്‌- രണ്ടു സ്പൂണ്‍
തേങ്ങ കൊത്ത്- കാല്‍ കപ്പു
മഞ്ഞള്‍ പൊടി - കാല്‍ ടീസ് പൂണ്‍
മുളക് പൊടി- രണ്ടു സ്പൂണ്‍
കുരുമുളക് പൊടി- ഒരു സ്പൂണ്‍
ഗരം മസാല- ഒരു സ്പൂണ്‍



ഉപ്പു- പാകത്തിന്
കറിവേപ്പില- രണ്ടു തണ്ട്
എണ്ണ - ആവശ്യത്തിനു
ചിക്കന്‍ മസാല- ഒരു സ്പൂണ്‍

ഉണ്ടാക്കുന്ന വിധം
ചിക്കന്‍ കഷണങ്ങളില്‍ അല്‍പ്പം മുളക്, മഞ്ഞള്‍, ഗരം മസാല, കുരുമുളക് , ഉപ്പു എന്നിവ പുരട്ടി വെക്കുക. ചീനച്ചടിയില്‍ എണ്ണ ചൂടാക്കി തേങ്ങ കൊത്ത് വഴറ്റുക. ഇതിലേക്ക് കറിവേപ്പില , സവാള, പച്ചമുളക് എന്നിവ നന്നായി വഴറ്റുക. ഇഞ്ചി-വെളുത്തുള്ളി അരച്ചത്‌ ചേര്‍ത്ത് ബ്രൌണ്‍ നിറമാകുമ്പോള്‍ മുളകുപൊടി, മഞ്ഞള്‍ പൊടി, ഗരം മസാല, കുരുമുളക് പൊടി ചിക്കന്‍ മസാല എന്നിവ ഇട്ടു നന്നായി വഴറ്റുക. ഇതിലെക്കി ചിക്കന്‍ കഷണങ്ങളും പാകത്തിന് ഉപ്പും ചേര്‍ത്ത് ചിക്കന്‍ വേവുന്നതിനായി  രണ്ടു മിനിറ്റ് അടച്ചു വെക്കുക.അതിനു ശേഷം അല്‍പ്പം എണ്ണയും കൂടി ഒഴിച്ച്   ഉലര്‍ത്തി എടുക്കാം.

Tawa Chicken


വേണ്ട ചേരുവകള്‍


ചിക്കന്‍- -അര കിലോ
ഇഞ്ചി- വെളുത്തുള്ളി അരച്ചത്‌- ഒരു സ്പൂണ്‍
സവാള പൊടിയായി അരിഞ്ഞത്- ഒരു കപ്പു
പച്ചമുളക് അരിഞ്ഞത്- ഒരു സ്പൂണ്‍
തക്കാളി ചെറുതായി അരിഞ്ഞത്- ഒരെണ്ണം
കാപ്സിക്കം - ഒരു ചെറുത്‌
മഞ്ഞള്‍ പൊടി-കാല്‍ ടീസ് പൂണ്‍
മുളക് പൊടി- രണ്ടു സ്പൂണ്‍
ഗരം മസാല- രണ്ടു സ്പൂണ്‍
കശുവണ്ടി അരച്ചത്‌- -ഒരു സ്പൂണ്‍
മല്ലിയില- ഒരു പിടി
ഉപ്പു- പാകത്തിന്
എണ്ണ- ആവശ്യത്തിനു

ഉണ്ടാക്കുന്ന വിധം
പാനില്‍ എണ്ണ ഒഴിച്ച് ചൂടായ ശേഷം ഇഞ്ചി-വെളുത്തുള്ളി അരച്ചതിടുക. അതിന്റെ പച്ച മണം മാറുമ്പോള്‍ സവാള, പച്ചമുളക്, എന്നിവ വഴറ്റി പാകമാകുമ്പോള്‍ അതിലേക്കു ഉപ്പു, മഞ്ഞള്‍, മുളക്, ഗരം മസാല, എന്നിവ വഴറ്റിയ ശേഷം തക്കാളി ഇടുക. ഇതിലേക്ക് വൃത്തിയാക്കി ചെറിയ കഷണങ്ങള്‍ ആക്കിയ ചിക്കന്‍ ഇട്ടു നന്നായി വഴറ്റുക. മല്ലിയില ഇട്ടു ഒരു അഞ്ചു മിനിറ്റ് അടച്ചു വെച്ച് വേവിക്കുക. വെള്ളം  ഒഴിക്കരുത്. ചിക്കന്‍ വെന്തു വരുമ്പോള്‍ കാപ്സിക്കം ഇടുക. ഇതിലേക്ക്  കശുവണ്ടി അരച്ചതും ചേര്‍ത്ത് വീണ്ടും വഴറ്റിയ ശേഷം അടുപ്പില്‍ നിന്നും വാങ്ങാം.