നല്ല ദശ കട്ടിയുള്ള മീന്‍-- --- -അരകിലോ
മുളക്- നാലു സ്പൂണ്‍
മല്ലി പൊടി- അര സ്പൂണ്‍
മഞ്ഞള്‍ പൊടി - കാല്‍ ടീസ്പൂണ്‍
കുരുമുളക്- അഞ്ചെണ്ണം
എണ്ണ -ആവശ്യത്തിനു
വെളുത്തുള്ളി- പത്തെണ്ണം
ചെറിയ ഉള്ളി- പത്തെണ്ണം
പച്ചമുളക്-അഞ്ചെണ്ണം
ഇഞ്ചി- ഒരു കഷണം
ഉപ്പു- പാകത്തിന്
കറിവേപ്പില- നാലു തണ്ട്
തയ്യാറാക്കുന്ന വിധം
മുളക്,മഞ്ഞള്‍, മല്ലി, കുരുമുളക് എന്നിവ നന്നായി അരക്കുക. വൃത്തിയാക്കിയ മീന്‍ കഷണങ്ങളില്‍ ഇതില്‍ കുറച്ചു അരപ്പെടുത്തു അല്‍പ്പം ഉപ്പും ചേര്‍ത്ത് പുരട്ടി വെക്കുക. ചീനച്ചട്ടിയില്‍ എണ്ണ ചൂടാക്കി വെളുത്തുള്ളി, ചെറിയ ഉള്ളി, പച്ചമുളക്, ഇഞ്ചി എന്നിവ നന്നായി വഴറ്റി മാറ്റി വെക്കുക. കുടം പുളി കീറി ഒരു ഗ്ലാസ്‌ ഉപ്പു വെള്ളത്തില്‍ തിളപ്പിക്കുക. മീന്‍ ചട്ടിയില്‍ അല്‍പ്പം എണ്ണ ഒഴിച്ച് ചൂടാക്കുക. അതിനു ശേഷം രണ്ടു തണ്ട് കറിവേപ്പില, അല്‍പ്പം വഴറ്റിയ ഉള്ളി, കുറച്ചു പുളി കഷണങ്ങള്‍ എന്നിവ നിരത്തുക. ഇതിനു മേലെ പകുതി മീന്‍ കഷണങ്ങള്‍ നിരത്തുക. വീണ്ടും ഇതേ പോലെ തന്നെ ബാക്കി കറിവേപ്പില, പുളി കഷണങ്ങള്‍, വഴറ്റി വെച്ചിരിക്കുന്ന ബാക്കി ഉള്ളി എന്നിവ നിരത്തി ബാക്കി മീന്‍ കഷണങ്ങള്‍ കൂടി നിരത്തുക. മറ്റൊരു ചീന ചട്ടിയില്‍ എണ്ണ ഒഴിച്ച് മീന്‍ കഷണങ്ങളില്‍ പുരട്ടിയ ബാക്കി അരപ്പ് ചേര്‍ത്ത് മൂപ്പിക്കുക. ഇതിലേക്ക് പുളി വെള്ളം കൂടി ചേര്‍ത്ത് ഒന്ന് തിളച്ച ശേഷം മീന്‍ ചട്ടിയില്‍ മീന്‍ കഷണങ്ങള്‍ക്ക് മേലെ ഒഴിക്കുക. ഇതിനു മേലെ രണ്ടു സ്പൂണ്‍ വെളിച്ചെണ്ണയും ഒഴിച്ച് ഒന്ന് ചുറ്റിച്ചു വെക്കുക. ചെറിയ തീയില്‍ മീന്‍ തിളപ്പിച്ച്‌ വേവിച്ച ശേഷം വീണ്ടും അല്പം എണ്ണ ഒഴിച്ച് അടുപ്പില്‍ നിന്നും വാങ്ങാം.
