8/04/2011

Fish ularthu

ആവശ്യമായ ചേരുവകള്‍

നല്ല ദശകട്ടിയുള്ള മീന്‍ ചെറിയ കഷണങ്ങള്‍ ആക്കിയത്- അര കിലോ
സവാള നീളത്തില്‍ അറിഞ്ഞത്- ഒരു കപ്പു
ഇഞ്ചി അരിഞ്ഞത്- കുറച്ചു
വെളുത്തുള്ളി അരിഞ്ഞത്- പത്തെണ്ണം
പച്ചമുളക് അരിഞ്ഞത് -നാലെണ്ണം'
തേങ്ങ കൊത്- കാല്‍ കപ്പു
മുളക് പൊടി- രണ്ടു സ്പൂണ്‍
മഞ്ഞള്‍ പൊടി- കാല്‍ സ്പൂണ്‍
ഗരം മസാല- ഒരു സ്പൂണ്‍
ഉപ്പു- പാകത്തിന്
കറിവേപ്പില- രണ്ടു തണ്ട്


എണ്ണ- ആവശ്യത്തിനു

ഉണ്ടാക്കുന്ന വിധം

മീന്‍ ഉപ്പു , മഞ്ഞള്‍, മുളക് എന്നിവ പുരട്ടി വറുത്തെടുക്കുക. ചീനച്ചട്ടിയില്‍ എണ്ണ ചൂടാക്കി സവാള, ഇഞ്ചി, വെളുത്തുള്ളി, പച്ചമുളക്, തെങ്ങകൊത് എന്നിവ വഴറ്റുക. പാകത്തിന് ഉപ്പു ചേര്‍ക്കുക. മുളക് പൊടി ഗരം മസാല എന്നിവ ചേര്‍ത്ത് നന്നായി ബ്രൌണ്‍ നിറമാകുന്നതു വരെ വഴറ്റുക. ഇതിലേക്ക് വറുത്ത മീന്‍ കഷണങ്ങള്‍ കുടി ഇട്ടു നന്നായി ഉലര്‍ത്തി എടുക്കുക. 

Fish pickle

വേണ്ട ചേരുവകള്‍

ദശയുള്ള മീന്‍ ചെറുതായി നുറുക്കിയത്- ഒരു കിലോ
ഇഞ്ചി ചെറുതായി അരിഞ്ഞത്- ഒരു കപ്പു 
വെളുത്തുള്ളി അരിഞ്ഞത്- കാല്‍ കപ്പു
പച്ചമുളക്- പത്തെണ്ണം
ഇഞ്ചി- വെളുത്തുള്ളി അരച്ചത്‌- രണ്ടു സ്പൂണ്‍
മുളകുപൊടി- മൂന്ന് വലിയ സ്പൂണ്‍
മഞ്ഞള്‍പൊടി- അര സ്പൂണ്‍
ഗരം മസാല- അര ടീസ്പൂണ്‍
ഉപ്പു-പാകത്തിന്
കറിവേപ്പില- രണ്ടു തണ്ട്
വിനാഗിരി- ആവശ്യത്തിനു
വെള്ളം- രണ്ടു കപ്പു
നല്ലെണ്ണ- ആവശ്യത്തിനു
വെളിച്ചെണ്ണ- ആവശ്യത്തിനു

പാകം ചെയ്യുന്ന വിധം


മീന്‍ കഷണങ്ങള്‍ ഉപ്പു, മുളകുപൊടി, മഞ്ഞള്‍ പൊടി എന്നിവ പാകത്തിന് ചേര്‍ത്ത് നന്നായി വറുത്തെടുക്കുക. ചീനച്ചട്ടിയില്‍ നല്ലെണ്ണ ചൂടാക്കി ഇഞ്ചി, വെളുത്തുള്ളി, പച്ചമുളക്,കറിവേപ്പില  എന്നിവ നന്നായി വഴറ്റിയെടുക്കുക. ബ്രൌണ്‍ നിറമാകുമ്പോള്‍ അതിലേക്കു ഇഞ്ചി-വെളുത്തുള്ളി അരച്ചത്‌ ചേര്‍ത്ത് വീണ്ടും വഴറ്റുക. പാകത്തിന് മുളകുപൊടി ചേര്‍ക്കുക. രണ്ടു കപ്പു വെള്ളത്തില്‍ അര കപ്പു വിനാഗിരി ചേര്‍ത്ത് ഈ കൂട്ടിലേക്ക് ഒഴിക്കുക. തിളക്കുമ്പോള്‍ വറുത്ത മീന്‍ കഷണങ്ങള്‍ ഇട്ടു ചെറുതായി തിളപ്പിക്കുക. ഇതിലേക്ക് ഗരം മസാല ചേര്‍ത്ത് വാങ്ങുക. തണുത്ത  ശേഷം ഒരു കുപ്പിയില്‍ ആക്കി രണ്ടു ദിവസങ്ങള്‍ക്കു ശേഷം ഉപയോഗിക്കാം. കുപ്പിയില്‍ ആക്കിയ ശേഷം അച്ചാറിന്റെ മുകളില്‍ ഒരു സ്പൂണ്‍ നല്ലെണ്ണ കൂടി ഒഴിച്ച ശേഷം അടക്കുക. 

chemeen thengakothu ularthu

ആവശ്യമായ സാധനങ്ങള്‍

ചെമ്മീന്‍ കഴുകി വൃത്തിയാക്കിയത്- ഒരു കപ്പു
ചെറിയ ഉള്ളി അരിഞ്ഞത്- കാല്‍ കപ്പു
ഇഞ്ചി അരിഞ്ഞത്- ഒരു സ്പൂണ്‍
വെളുത്തുള്ളി അരിഞ്ഞത്- ഒരു സ്പൂണ്‍
പച്ചമുളക്- രണ്ടെണ്ണം
തെങ്ങകൊത് -കാല്‍ കപ്പു
മുളക് പൊടി- ഒരു സ്പൂണ്‍
മഞ്ഞള്‍പൊടി- കാല്‍ സ്പൂണ്‍
ഉപ്പു- പാകത്തിന്
ഗരം മസാല- കാല്‍ ടീസ്പൂണ്‍
കറിവേപ്പില- കുറച്ചു
എണ്ണ- ആവശ്യത്തിനു 

പാകം ചെയ്യുന്ന വിധം


ചെമ്മീന്‍ അല്‍പ്പം ഉപ്പും മഞ്ഞളും പുരട്ടി വേവിക്കുക. അതിനു ശേഷം എണ്ണയില്‍ ചെറുതായി വറുത്തെടുക്കുക. ചീനച്ചട്ടിയില്‍ എണ്ണ ചൂടാക്കിയ ശേഷം ഉള്ളി, വെളുത്തുള്ളി, ഇഞ്ചി, പച്ചമുളക് എന്നിവ മൂപ്പിക്കുക. പൊടികളും ചേര്‍ക്കുക. നന്നായി വഴടിയ ശേഷം തെങ്ങക്കൊതും ഇടുക. ഇതിലേക്ക് വറുത്തു മാറ്റിവെച്ച ചെമ്മീനും ഇട്ടു നന്നായി ഉലര്‍ത്തി എടുക്കുക.