Butter Chicken

വേണ്ട സാധനങ്ങള്‍


ചിക്കന്‍ എല്ലില്ലാത്ത കഷണങ്ങള്‍- അര കിലോ
മുളക് പൊടി-രണ്ടു സ്പൂണ്‍
മഞ്ഞള്‍ പൊടി- കാല്‍ സ്പൂണ്‍
മല്ലിപൊടി- നാലു സ്പൂണ്‍
ജീരക പൊടി- ഒരു സ്പൂണ്‍
ഗരം മസാല- നാലു സ്പൂണ്‍
ഇഞ്ചി-വെളുത്തുള്ളി പേസ്റ്റ്-ഒരു സ്പൂണ്‍
തൈര്- രണ്ടു സ്പൂണ്‍

സവാള ചെറുതായി അരിഞ്ഞത്-അര കപ്പു
ഇഞ്ചി അരിഞ്ഞത്-ഒരു കഷണം
വെളുത്തുള്ളി അരിഞ്ഞത്- നാലു കഷണം
തക്കാളി അരിഞ്ഞത്- ഒന്ന്
ഗ്രാമ്പൂ-രണ്ടെണ്ണം
കറുവപ്പട്ട- ഒരു കഷണം
ഏലക്ക- ഒന്ന്
ബട്ടര്‍- രണ്ടു സ്പൂണ്‍
ക്രീം/പാല്‍-രണ്ടു സ്പൂണ്‍
എണ്ണ  - ആവശ്യത്തിനു
കറിവേപ്പില- രണ്ടു തണ്ട്
മല്ലിയില - രണ്ടു തണ്ട്

ഉപ്പു-പാകത്തിന്
വെള്ളം- കാല്‍ കപ്പു

ഉണ്ടാക്കുന്ന വിധം
ഒരു സ്പൂണ്‍ മുളക് പൊടി, ഒരു സ്പൂണ്‍ മല്ലി പൊടി, ഒരു സ്പൂണ്‍ ഗരം മസാല, തൈര്, ഉപ്പു എന്നിവ ചിക്കന്‍ കഷണങ്ങളില്‍ പുരട്ടി പത്തു മിനിറ്റ് ഫ്രിഡ്ജില്‍ വെച്ച ശേഷം എണ്ണയില്‍ വറുക്കുക. അധികം മൊരിയരുത്.

ചീനച്ചട്ടിയില്‍ എണ്ണ ചൂടാക്കി ഗ്രാമ്പൂ, കറുവാപട്ട, ഏലക്ക എന്നിവ വഴറ്റുക. അതിലേക്കു സവാള, ഇഞ്ചി, വെളുത്തുള്ളി, തക്കാളി എന്നിവ വഴറ്റുക. ഇത് തണുത്ത ശേഷം അരച്ച് പേസ്റ്റ് ആക്കുക. ചീനച്ചട്ടിയില്‍ എണ്ണ ചൂടാക്കി ബാക്കിയുള്ള മഞ്ഞള്‍ പൊടി, മല്ലിപൊടി, മുളക് പൊടി, ഗരം മസാല, ജീരക പൊടി എന്നിവ വഴറ്റുക. ഇതിലേക്ക് അരച്ച കൂട്ടും ചേര്‍ത്ത് നന്നായി വഴറ്റുക.(എരിവു നോക്കി വേണം മുളക് പൊടി ഇടാന്‍. ബട്ടര്‍ ചിക്കെന് അധികം എരിവു വേണ്ട.)ഇതിലേക്ക് വെള്ളം ഒഴിച്ച് ഒന്ന് തിളച്ച ശേഷം വറുത്ത ചിക്കന്‍ കഷണങ്ങള്‍ ചേര്‍ക്കുക.പാകത്തിന് ഉപ്പും ചേര്‍ക്കുക.  ചാറ് കുറുകിയ ശേഷം ഇതിലേക്ക് ക്രീം, രണ്ടു സ്പൂണ്‍ ബട്ടര്‍, മല്ലിയില എന്നിവ ചേര്‍ത്ത് ഇളക്കി വാങ്ങാം. മധുരം ഇഷ്ടമുള്ളവര്‍ക്ക് അര സ്പൂണ്‍ പഞ്ചസാര കൂടി ചേര്‍ക്കാം.

Chicken Mappas

തയ്യാറാക്കുന്ന വിധം

1..ചിക്കന്‍ കഷണങ്ങളില്‍ മഞ്ഞള്‍ പൊടി, കുരുകുളക് പൊടി, ഗരം മസാല, ഉപ്പു എന്നിവ പുരട്ടി അര മണിക്കൂര്‍ വെക്കുക. 

2. ഒരു ചീനച്ചട്ടിയില്‍ എണ്ണ ചൂടാക്കി രണ്ടു കഷണം ഗ്രാമ്പൂ, ഒരു കഷണം കറുവപ്പട്ട, ഒരു ഏലക്ക, ഒരു തക്കോലം(Star Anise) എന്നിവ വഴറ്റുക. 

3.. മസാലകള്‍ വഴറ്റിയ ശേഷം അതിലേക്കു സവാള ഇടുക. ബ്രൌണ്‍ നിറമാകുന്നതു വരെ വഴറ്റുക. അതിലേക്കു നീളത്തില്‍ അരിഞ്ഞ ഒരു കഷണം ഇഞ്ചി, നാലു അല്ലി വെളുത്തുള്ളി, നാലു കഷണം വെളുത്തുള്ളി, കറിവേപ്പില എന്നിവ ഇട്ടു നന്നായി വഴറ്റുക. 

4.. ഇതിലേക്ക് കാല്‍ സ്പൂണ്‍ മഞ്ഞള്‍ പൊടി, നാലു സ്പൂണ്‍ മല്ലിപൊടി, നാലു സ്പൂണ്‍ ഗരം മസാല എന്നിവ വഴറ്റുക

5. എല്ലാ കൂട്ടും നന്നായി വഴന്ന ശേഷം അതിലേക്കു തക്കാളി അരിഞ്ഞത്‌ ചേര്‍ത്ത് വഴറ്റുക. മാരിനേറ്റു ചെയ്തു വെച്ചിരിക്കുന്ന ചിക്കന്‍ കഷണങ്ങള്‍ ഇതിലേക്ക് ഇടുക.

6.. കഷണങ്ങള്‍ ഇട്ടു ശേഷം തേങ്ങയുടെ രണ്ടാം പാല്‍ ചേര്‍ത്ത് വേവിക്കുക. വെന്തു കഴിയുമ്പോള്‍ അഞ്ചു കഷണം കശുവണ്ടി പരിപ്പ് അരച്ചതും ചേര്‍ക്കുക. 

7.ഒരു ഗ്ലാസില്‍ തേങ്ങയുടെ ഒന്നാം പാല്‍, ഒരു സ്പൂണ്‍ കുരുമുളക് പൊടി, ഒരു സ്പൂണ്‍ ഗരം മസാല എന്നിവ ചേര്‍ത്ത് യോജിപ്പിക്കുക. 

8.കഷണങ്ങള്‍ നന്നായി വെന്തു ചാറ് കുറുകുമ്പോള്‍ തേങ്ങയുടെ ഒന്നാംപാല്‍ ചേര്‍ത്ത് വാങ്ങാം. 

Devild Chicken (Srilankan Dish)

വേണ്ട സാധനങ്ങള്‍
ചിക്കന്‍ കഷണങ്ങള്‍ എല്ലില്ലാത്തത്- ഒരു കപ്പു
തക്കാളി അരിഞ്ഞത്- ഒന്ന്
ഇഞ്ചി അരിഞ്ഞത്- ഒരു സ്പൂണ്‍
വെളുത്തുള്ളി അരിഞ്ഞത്- ഒരു സ്പൂണ്‍
സവാള ചതുരത്തില്‍ അരിഞ്ഞത്-കാല്‍ കപ്പു
പച്ചമുളക് അരിഞ്ഞത്- രണ്ടെണ്ണം
കാപ്സിക്കം ചതുരത്തില്‍ അരിഞ്ഞത്- കാല്‍ കപ്പു
സോയ സോസ്-കാല്‍ ടീസ്പൂണ്‍
ചില്ലി സോസ്- കാല്‍ ടീസ്പൂണ്‍
കൊണ്ഫ്ലാവര്‍-ഒരു സ്പൂണ്‍
കുരുമുളക് പൊടി -രണ്ടു സ്പൂണ്‍
ഉപ്പു-പാകത്തിന്

വെള്ളം- കുറച്ചു
വിനാഗിരി- ഒരു സ്പൂണ്‍

ഉണ്ടാക്കുന്ന വിധം
ചിക്കന്‍ കഷണങ്ങള്‍ കൊണ്ഫ്ലാവര്‍, ഉപ്പു, കുരുമുളക് പൊടി എന്നിവ ചേര്‍ത്ത് വറുക്കുക. ചീനച്ചട്ടിയില്‍ എണ്ണ ചൂടാക്കി സവാള, ഇഞ്ചി, പച്ചമുളകു, വെളുത്തുള്ളി, തക്കാളി, കാപ്സിക്കം എന്നിവ ഓരോന്നായി വഴറ്റുക. ഇതിലേക്ക് സോയ, ചില്ലി സോസുകള്‍ ചേര്‍ക്കുക. വിനാഗിരി, ഉപ്പു എന്നിവ ചേര്‍ത്ത് വഴറ്റിയ ശേഷം വറുത്ത ചിക്കന്‍ കഷണങ്ങള്‍ ഇടുക. ഒന്ന് ഇളക്കിയ ശേഷം രണ്ടു സ്പൂണ്‍ വെള്ളം ഒഴിച്ച് ഒന്ന് ഇളക്കിയ ശേഷം വാങ്ങാം. 


(കടപ്പാട്: ഏഷ്യാനെറ്റ്‌ ഫുഡ് പാത്ത്) 

Bambu rice puttu

വേണ്ട സാധനങ്ങള്‍
മുള അരി പൊടിച്ചു വറുത്തത്-ഒരു കപ്പു
തേങ്ങ ചിരകിയത്- അര കപ്പു
ഉപ്പു-പാകത്തിന്
വെള്ളം- ആവശ്യത്തിനു


ഉണ്ടാക്കുന്ന വിധം

പൊടി, ഉപ്പു പാകത്തിന് വെള്ളം എന്നിവ ചേര്‍ത്ത് തിരുമ്മുക. അതിലേക്കു തേങ്ങ ചിരകിയതും കൂടി ചേര്‍ത്ത് ആവിയില്‍ വേവിക്കുക. 

Beef Cutlet

ബീഫ് -ഒരു കിലോ
സവാള- ആറെണ്ണം
ഇഞ്ചി-മൂന്നു കഷണം
പച്ചമുളക്- ആറെണ്ണം
ഉരുളക്കിഴങ്ങ്- അര കിലോ
മഞ്ഞള്‍ പൊടി-കാല്‍ സ്പൂണ്‍
ഗരം മസാല- നാലു സ്പൂണ്‍
ഉപ്പു- പാകത്തിന്
കോഴി മുട്ട- നാലെണ്ണം
റൊട്ടി പൊടി-കാല്‍ കപ്പു
കുരുമുളക് പൊടി- രണ്ടു സ്പൂണ്‍
കറിവേപ്പില- രണ്ടു തണ്ട്
എണ്ണ-ആവശ്യത്തിനു


ഉണ്ടാക്കുന്ന വിധം
ബീഫ് വൃത്തിയാക്കി ചെറിയ കഷണങ്ങള്‍ ആക്കി മഞ്ഞള്‍ പൊടി, ഉപ്പു, ഗരം മസാല, കുരുമുളക് പൊടി എന്നിവ ചേര്‍ത്ത് വേവിക്കുക. തണുത്ത ശേഷം മിക്സിയില്‍ അടിച്ചു മിന്‍സ് ചെയ്തെടുക്കുക. ഉരുളകിഴങ്ങ് നന്നായി വേവിച്ചു ഉടച്ചെടുക്കുക.

ഒരു ചീന ചട്ടിയില്‍ എണ്ണ ചൂടാക്കി സവാള, ഇഞ്ചി, പച്ചമുളക് എന്നിവ പൊടിയായി അറിഞ്ഞത് ഓരോന്നായി ചേര്‍ത്ത് നന്നായി വഴറ്റിയെടുക്കുക. വഴന്നു വരുമ്പോള്‍ ഒരു സ്പൂണ്‍ ഗരം മസാല, കുരുമുളക് പൊടി,കറിവേപ്പില,  പാകത്തിന് ഉപ്പു എന്നിവ ചേര്‍ത്ത് വഴറ്റുക.ഇതിലേക്ക് ഉരുളക്കിഴങ്ങ് വേവിച്ചതും ചേര്‍ത്ത് നന്നായി ഇളക്കുക. അടുപ്പില്‍ നിന്നും വാങ്ങുക. തണുത്ത ശേഷം   ഒന്ന് കൂടി ഇളക്കി കൈകൊണ്ടു കട്ട് ലറ്റിന്റെ ആകൃതിയില്‍ പരത്തുക. ഒരു പാത്രത്തില്‍ കോഴിമുട്ട പൊട്ടിച്ചു നന്നായി ഇളക്കി വെക്കുക. കോഴി മുട്ടയുടെ വെള്ള മാത്രം എടുത്താല്‍ മതി. ചീനച്ചടിയില്‍ എണ്ണ ചൂടാക്കി കട്ട് ലറ്റ് ആദ്യം മുട്ടയില്‍ മുക്കി വീണ്ടും റൊട്ടി പൊടിയില്‍ മുക്ക് എണ്ണയില്‍ വറുത്തെടുക്കുക. മസലാകൂട്ടില്‍ അല്‍പ്പം കൊണ്ഫ്ലാവര്‍ ചേര്‍ത്താല്‍ കട്ട് ലറ്റ് പൊട്ടാതെ കിട്ടും. 

Mathanga-parippu curry

വേണ്ട സാധനങ്ങള്‍

മത്തങ്ങാ-അര കിലോ

പരിപ്പ്- കാല്‍ കപ്പു

തേങ്ങ- ഒരു മുറി

വാളന്‍ പുളി- ഒരു കഷണം

മുളകുപൊടി- രണ്ടു സ്പൂണ്‍

പച്ചമുളക്- രണ്ടെണ്ണം

മഞ്ഞള്‍ പൊടി-കാല്‍ സ്പൂണ്‍

കടുക്- ഒരു സ്പൂണ്‍

വറ്റല്‍മുളക്- രണ്ടെണ്ണം

കറിവേപ്പില- രണ്ടു തണ്ട്

ഉപ്പു-പാകത്തിന്

ഉണ്ടാക്കുന്ന വിധം

പരിപ്പ് , പച്ചമുളക്, മഞ്ഞള്‍ പൊടി,മുളക് പൊടി  എന്നിവ ചേര്‍ത്ത് വേവിക്കുക. അതിലേക്കു മത്തങ്ങാ കഷണങ്ങള്‍ ഇട്ടു വേവിക്കുക. കഷണം വെന്തു കഴിയുമ്പോള്‍ പാകത്തിന് പുളി പിഴിഞ്ഞ്  ചേര്‍ക്കുക. ഒന്ന് തിളച്ച ശേഷം തേങ്ങ ജീരകം ചേര്‍ത്ത് അരച്ചത്‌ ചേര്‍ത്ത് തിളച്ച ശേഷം പാകത്തിന് ഉപ്പും ചേര്‍ത്ത് വാങ്ങാം. ഒരു ചീനച്ചട്ടിയില്‍ എണ്ണ ചൂടാക്കി കടുക്, വറ്റല്‍മുളക്, കറിവേപ്പില എന്നിവ ഇട്ടു താളിച്ച്‌ കറിയില്‍ ഒഴിക്കുക. 

Pappaya mezhukkupuratti

വേണ്ട സാധനങ്ങള്‍

പപ്പായ ചെറിയ കഷണങ്ങള്‍ ആക്കിയത്- ഒരു കപ്പു

മുളക് പൊടി- രണ്ടു സ്പൂണ്‍

കറിവേപ്പില- രണ്ടു തണ്ട്

കടുക്- ഒരു സ്പൂണ്‍

വറ്റല്‍മുളക്- രണ്ടെണ്ണം

ഉപ്പു- ആവശ്യത്തിനു

എണ്ണ-പാകത്തിന്

ഉണ്ടാക്കുന്ന വിധം

ചീനച്ചട്ടിയില്‍ എണ്ണ ചൂടാക്കി കടുക്, വറ്റല്‍മുളക് ഇട്ടു താളിക്കുക.അതിലേക്കു മുളകുപൊടി, കറിവേപ്പില എന്നിവ ചേര്‍ത്ത് മൂപ്പിച്ച ശേഷം പപ്പായ ഇട്ടു അല്‍പ്പം വെളിച്ചെണ്ണയും ഒഴിച്ച് അടച്ചു വേവിക്കുക. വെള്ളം ചേര്‍ക്കരുത്. ഒരു മിനിട്ട് കഴിയുമ്പോള്‍ അല്‍പ്പം എണ്ണ കൂടി ഒഴിച്ച് ഇളക്കി വാങ്ങാം. എണ്ണയില്‍ തന്നെ പെട്ടെന്ന് പപ്പായ വെന്തു കിട്ടും. 

kachil puzhungiyathu

വേണ്ട സാധനങ്ങള്‍

കാച്ചില്‍ കഷണങ്ങള്‍ ആക്കിയത്- അര കിലോ

മുളക് പൊടി -രണ്ടു സ്പൂണ്‍

മഞ്ഞള്‍ പൊടി- കാല്‍ സ്പൂണ്‍

കറിവേപ്പില- രണ്ടു തണ്ട്

ഉപ്പു-പാകത്തിന്

വെളിച്ചെണ്ണ - രണ്ടു സ്പൂണ്‍

ഉണ്ടാക്കുന്ന വിധം

വെള്ളം തിളച്ച ശേഷം കാച്ചില്‍ ഇട്ടു വേവിക്കുക. പകുതി വേവാകുമ്പോള്‍ ഉപ്പു ചേര്‍ക്കുക. ചീനച്ചട്ടിയില്‍ എണ്ണ ചൂടാക്കി വേവിച്ച കാച്ചില്‍ ഇട്ടു മഞ്ഞള്‍ പൊടി, മുളക് പൊടി എന്നിവ ചേര്‍ത്ത് ഇളക്കുക. അല്‍പ്പം എണ്ണയും കറിവേപ്പിലയും ചേര്‍ത്ത് വാങ്ങാം. 

Madhura kizhangu puzhukku

വേണ്ട സാധനങ്ങള്‍

മധുര കിഴങ്ങ്- അരകിലോ

തേങ്ങ ചിരകിയത്- കാല്‍ കപ്പു

വെളുത്തുള്ളി- നാലെണ്ണം

പച്ചമുളക്- രണ്ടെണ്ണം

മഞ്ഞള്‍ പൊടി-കാല്‍ സ്പൂണ്‍

ഉപ്പു-പാകത്തിന്

കറിവേപ്പില- രണ്ടു തണ്ട്

വെളിച്ചെണ്ണ- ഒരു സ്പൂണ്‍

ഉണ്ടാക്കുന്ന വിധം

മധുര കിഴങ്ങ് ഉപ്പു ചേര്‍ത്ത് വേവിക്കുക. തേങ്ങ, മഞ്ഞള്‍ പൊടി, വെളുത്തുള്ളി, പച്ചമുളക് എന്നിവ അരച്ച് വേവിച്ച കിഴങ്ങില്‍ ചേര്‍ക്കുക. നന്നായി ഇളക്കുക. കറിവേപ്പിലയും വെളിച്ചെണ്ണയും ചേര്‍ത്ത് വാങ്ങാം. 

Erachi Puttu(Beef)

വേണ്ട സാധനങ്ങള്‍

പുട്ടിനു വേണ്ട സാധനങ്ങള്‍ 

അരിപൊടി- രണ്ടു കപ്പു

ജീരകം-ഒരു നുള്ള്

ഉപ്പു-പാകത്തിന്

വെള്ളം-ആവശ്യത്തിനു

തേങ്ങ ചിരകിയത്-ഒന്നര കപ്പു

ഇറച്ചി കൂട്ടിനു വേണ്ടവ

ബീഫ് -അര കിലോ

സവാള പൊടിയായി അരിഞ്ഞത്‌-കാല്‍ കപ്പു

ഇഞ്ചി പൊടിയായി അരിഞ്ഞത്‌- രണ്ടു സ്പൂണ്‍

വെളുത്തുള്ളി അരിഞ്ഞത്‌- നാലു കഷണം

പച്ചമുളക്- രണ്ടെണ്ണം

മഞ്ഞള്‍പൊടി- കാല്‍ സ്പൂണ്‍

മുളകുപൊടി- രണ്ടു സ്പൂണ്‍

കുരുമുളകുപൊടി- ഒരു സ്പൂണ്‍

ഇറച്ചി മസാല- രണ്ടു സ്പൂണ്‍

കറിവേപ്പില- രണ്ടു തണ്ട്

എണ്ണ- ആവശ്യത്തിനു

ഉപ്പു-പാകത്തിന്

ഉണ്ടാക്കുന്ന വിധം

ആദ്യം പുട്ടുപൊടി ജീരകം പാകത്തിന് ഉപ്പു,വെള്ളം  എന്നിവ ചേര്‍ത്ത് നന്നായി തിരുമ്മുക. കൈകൊണ്ടു തിരുമ്മിയ ശേഷം മിക്സിയില്‍ ഒന്ന് അടിചെടുതാല്‍ കട്ട ഇല്ലാതെ നല്ല പൊടിയായി കിട്ടും. ഇതിലേക്ക് തേങ്ങ ചിരകിയത് ചേര്‍ത്ത് യോജിപ്പിക്കുക. കുറച്ചു തേങ്ങ മാറ്റിവെക്കണം.

ബീഫ് ഉപ്പു, മഞ്ഞള്‍ പൊടി,ഇറച്ചി മസാല എന്നിവ ചേര്‍ത്ത് വേവിക്കുക.വേവിച്ച ശേഷം നന്നായി മിന്‍സ് ചെയ്യുക. മിക്സിയില്‍ അടിച്ചാല്‍ മതി.  ചീനച്ചട്ടിയില്‍ എണ്ണ ചൂടാക്കി സവാള, ഇഞ്ചി, വെളുത്തുള്ളി,പച്ചമുളക് എന്നിവ വഴറ്റുക. ബ്രൌണ്‍ നിറമാകുമ്പോള്‍ ഇതിലേക്ക് മഞ്ഞള്‍ പൊടി, മുളകുപൊടി, കുരുമുളക് പൊടി, ഇറച്ചി മസാല എന്നിവ ചേര്‍ത്ത് നന്നായി വഴറ്റുക. കറിവേപ്പിലയും ചേര്‍ക്കുക. ഇതിലേക്ക് മിന്‍സ് ചെയ്ത ഇറച്ചി ഇട്ടു നന്നായി ഉലര്തിയെടുക്കുക. പാകത്തിന് ഉപ്പും ചേര്‍ക്കുക. 

ഇറച്ചി പുട്ട് തയ്യാറാക്കുന്നത്

പുട്ട് കുറ്റിയില്‍  ആദ്യം അല്‍പ്പം തേങ്ങ ഇടുക. രണ്ടാമത് തിരുമ്മി വെച്ച അരിപൊടി ഇടുക. അതിനു ശേഷം ഇറച്ചി കൂട്ട് ഇടുക. ഇങ്ങനെ മാറി മാറി ഇടുക. അവസാനം അല്‍പ്പം തേങ്ങ കൂടി ഇടുക. ആവിയില്‍ വേവിക്കുക. ഇറച്ചി പുട്ട് തയ്യാര്‍. 

Chicken chathacha mulakittu varuthathu

വേണ്ട  സാധനങ്ങള്‍ 

ചിക്കന്‍ കഷണങ്ങള്‍ ആക്കിയത്- അഞ്ചെണ്ണം

മുളകുപൊടി- ഒരു സ്പൂണ്‍

മഞ്ഞള്‍ പൊടി- കാല്‍ ടീസ്പൂണ്‍

കുരുമുളകുപൊടി- രണ്ടു സ്പൂണ്‍

ചതച്ച മുളക്-നാലു സ്പൂണ്‍

ഇഞ്ചി, വെളുത്തുള്ളി, ഗ്രാമ്പൂ, ജാതിപത്രി, ജീരകം, തക്കോലം, കുരുമുളക്- ഇവ എല്ലാം കൂടി ചതച്ചെടുക്കുക. 

കറിവേപ്പില- രണ്ടു തണ്ട്

എണ്ണ-ആവശ്യത്തിനു

ഉപ്പു-പാകത്തിന്

ഉണ്ടാക്കുന്ന വിധം

ചിക്കെനില്‍ മുളക്, മഞ്ഞള്‍, കുരുമുളക്, ഉപ്പു കാല്‍ സ്പൂണ്‍ ചതച്ച മുളക് എന്നിവ പുരട്ടി വറുത്തെടുക്കുക.ചിക്കെന്റെ എല്ല് കഷണങ്ങള്‍ വേണം ഇതിനു ഉപയോഗിക്കാന്‍.  ചീനച്ചട്ടിയില്‍ എണ്ണ ചൂടാക്കി ചതച്ച മസാല കൂട്ട് ഇട്ടു വഴറ്റുക. കറിവേപ്പില ചേര്‍ക്കുക. അല്പം കുരുമുളക് പൊടിയും ബാക്കി ചതച്ച മുളകും ഇട്ടു ഒന്ന് വഴറ്റുക. അധികം മൂത്ത് പോകരുത്. ഇതിലേക്ക് വറുത്ത ചിക്കന്‍ കഷണങ്ങള്‍ ഇട്ടു വഴറ്റുക. പാകത്തിന് ഉപ്പും ചേര്‍ക്കുക. ഒരു സ്പൂണ്‍ വിനാഗിരിയും ചേര്‍ത്ത് കറിവേപ്പിലയും ഇട്ടു വഴറ്റിയ ശേഷം അടുപ്പില്‍ നിന്നും വാങ്ങാം. ചതച്ച മുളക് കൂടുതല്‍ ചേര്‍ത്താല്‍ നല്ല എരിവു കിട്ടു, എരിവു കൂടുന്നതാണ് ഇതിന്റെ രുചി. 

Fried Rice

വേണ്ട സാധനങ്ങള്‍

ബസുമതി അരി- രണ്ടു കപ്പു

ബീന്‍സ് അരിഞ്ഞത്- കാല്‍ കപ്പു

കാരറ്റ് അരിഞ്ഞത്- കാല്‍ കപ്പു

സെലറി അരിഞ്ഞത്- കാല്‍ കപ്പു

കുരുമുളക് പൊടി-രണ്ടു സ്പൂണ്‍

മുട്ട- രണ്ടു

ചിക്കന്‍ ചെറിയ കഷണങ്ങള്‍ ആക്കി വറുത്ത്- കുറച്ചു

മല്ലിയില- രണ്ടു തണ്ട്

ഉപ്പു- പാകത്തിന്

നെയ്യ- ഒരു സ്പൂണ്‍

എണ്ണ-രണ്ടു സ്പൂണ്‍

പാകം ചെയ്യുന്ന വിധം

ബസുമതി അരി പാകത്തിന് വേവിച്ചെടുക്കുക. അധികം വെന്തു പോകരുത്. ചീനച്ചട്ടിയില്‍ എണ്ണയും നെയ്യും ചൂടാക്കി  പച്ചക്കറികള്‍ എല്ലാം ഇട്ടു വഴറ്റുക. ഇതിലേക്ക് മുട്ട പൊട്ടിച്ചു ചിക്കി എടുക്കുക. വറുത്ത ചിക്കന്‍ കഷണങ്ങളും ഇടുക. കുരുമുളക് പൊടിയും പാകത്തിന് ഉപ്പും ചേര്‍ത്ത് ഇളക്കുക. ഇതിലേക്ക് വേവിച്ചു വെച്ച ചോറും കൂടി ഇട്ടു ഒന്ന് ഇളക്കിയ ശേഷം മല്ലിയില്‍ അരിഞ്ഞതിട്ടു വാങ്ങാം. 

Ginger Chicken

വേണ്ട സാധനങ്ങള്‍

ചിക്കന്‍-അര കിലോ

സവാള- രണ്ടു

പച്ചമുളക്- രണ്ടു

ഇഞ്ചി-വെളുത്തുള്ളി പേസ്റ്റ്- ഒരു സ്പൂണ്‍

ഇഞ്ചി അരിഞ്ഞത്-ഒരു കഷണം

കുരുമുളക് പൊടി-രണ്ടു സ്പൂണ്‍

സോയ സോസ്- ഒരു സ്പൂണ്‍

കൊണ്ഫ്ലോവേര്‍-ഒരു സ്പൂണ്‍

വിനാഗിരി- ഒരു സ്പൂണ്‍

ഉപ്പു- പാകത്തിന്

മല്ലിയില- കുറച്ചു

കറിവേപ്പില- രണ്ടു തണ്ട്

എണ്ണ-ആവശ്യത്തിനു

ചില്ലി സോസ്-ഒരു സ്പൂണ്‍

ഉണ്ടാകുന്ന വിധം

ചിക്കന്‍ കഷണത്തില്‍ സോയ സോസ്, വിനാഗിരി, കോണ്ഫ്ലെവേര്‍, ഉപ്പു, ഒരു സ്പൂണ്‍ കുരുമുളക് പൊടി എന്നിവ പുരട്ടി വറുക്കുക. സവാള, പച്ചമുളക് , കറിവേപ്പില എന്നിവ അരച്ച് പേസ്റ്റ് ആക്കുക.  ചീനച്ചട്ടിയില്‍ എണ്ണ ചൂടാക്കി ഇഞ്ചി അരിഞ്ഞത്‌ വഴറ്റുക. ഇതിലേക്ക് വറുത്ത കഷണങ്ങള്‍ ഇടുക. ഒന്ന് ഇളക്കിയ ശേഷം അരച്ച് വെച്ച പേസ്റ്റ് ഇട്ടു നന്നായി വഴറ്റുക. ഇഞ്ചി-വെളുത്തുള്ളി അരച്ചതും അല്‍പ്പം കുരുമുളക് പൊടി, ചില്ലി സോസ് എന്നിവ കൂടി ഇട്ടു നന്നായി വഴറ്റുക. പാകത്തിന് ഉപ്പും ചേര്‍ക്കുക. . ചാറ് വേണമെന്നുണ്ടെങ്കില്‍ അല്പം വെള്ളം അല്ലെങ്കില്‍ കോണ്ഫ്ലെവേര്‍ കലക്കി ഒഴിക്കാം. അധികം ഒഴിക്കരുത്. ഡ്രൈ ജിഞ്ചര്‍ ചിക്കന്‍ ആണ് വേണ്ടതെങ്കില്‍ വെള്ളം ഒട്ടും ഒഴിക്കാതെ നന്നായി ഉലര്തിയെടുതല്‍ മതി. അല്‍പ്പം മല്ലിയില ചേര്‍ത്ത് കഴിക്കാം. 

Cabbage mezhukkupuratti

കാബേജ് - അര കിലോ

സവാള അരിഞ്ഞത്- കാല്‍ കപ്പു

ചതച്ച മുളക്- നാലു സ്പൂണ്‍

കറിവേപ്പില- രണ്ടു തണ്ട്

കടുക്- ഒരു സ്പൂണ്‍

വറ്റല്‍മുളക്- രണ്ടെണ്ണം

ഉപ്പു-പാകത്തിന്

എണ്ണ-ആവശ്യത്തിനു

ഉണ്ടാക്കുന്ന വിധം

ചീനച്ചട്ടിയില്‍ കടുക് തളിച്ച ശേഷം സവാള ചേര്‍ത്ത് നന്നായി വഴറ്റുക. സവാള വഴന്നു ശേഷം അതിലേക്കു ചതച്ച മുളക് ചേര്‍ത്ത് പാകത്തിന് ഉപ്പും ചേര്‍ക്കുക. അല്‍പ്പം എണ്ണ കൂടി ഒഴിച്ച് കാബേജ് ഉലര്തിയെടുക്കുക. 

Egg aviyal

മുട്ട- നാലെണ്ണം

ഉരുളകിഴങ്ങ്- രണ്ടെണ്ണം-നീളത്തില്‍ അരിഞ്ഞത്

പച്ചമുളക്- നാലെണ്ണം

മഞ്ഞള്‍ പൊടി-കാല്‍ സ്പൂണ്‍ 

തേങ്ങ ചിരകിയത്- അര കപ്പു

ജീരകം- കാല്‍ സ്പൂണ്‍

മല്ലിപൊടി- ഒരു സ്പൂണ്‍

ഗരം മസാല- ഒരു സ്പൂണ്‍

കറിവേപ്പില- രണ്ടു തണ്ട്

എണ്ണ- ഒരു സ്പൂണ്‍

ഉപ്പു-പാകത്തിന്

ഉണ്ടാക്കുന്ന വിധം

ഉരുളകിഴങ്ങ്, പച്ചമുളക് ,മഞ്ഞള്‍ പൊടി എന്നിവ ചേര്‍ത്ത് വേവിക്കുക. ഇതിലേക്ക് തേങ്ങ, ജീരകം ചേര്‍ത്ത് അരച്ചത്‌ ചേര്‍ക്കുക. അരപ്പ് തിളച്ചു കഴിയുമ്പോള്‍ മല്ലിപൊടി, ഗരം മസാല എന്നിവ ചേര്‍ത്ത് വീണ്ടും തിളപ്പികുക. ഇതിലേക്ക് മുട്ട നീളത്തില്‍ അരിഞ്ഞതും കറിവേപ്പിലയും എണ്ണയും ചേര്‍ത്ത് വാങ്ങാം. ഉരുളകിഴങ്ങ് ചെര്തില്ലെങ്കിലും കുഴപ്പമില്ല. 

Mango pickle

മാങ്ങാ ചെറിയ കഷണങ്ങള്‍ ആക്കിയത്- അര കിലോ

മുളക് പൊടി- നാലു  സ്പൂണ്‍

കായം- കാല്‍ സ്പൂണ്‍

ഉലുവ പൊടി- കാല്‍ സ്പൂണ്‍

ഉപ്പു- പാകത്തിന്

വിനാഗിരി- കാല്‍ കപ്പു

കടുക്- ഒരു സ്പൂണ്‍

വറ്റല്‍മുളക്- രണ്ടെണ്ണം

കറിവേപ്പില- രണ്ടു തണ്ട്

തയ്യാറാക്കുന്ന വിധം

അരിഞ്ഞ മാങ്ങയില്‍ മുളകുപൊടി, കായം, ഉലുവ പൊടി, എന്നിവ ചേര്‍ത്ത് നന്നായി ഇളക്കുക. വിനാഗിരിയില്‍ കാല്‍ കപ്പു വെള്ളം, ഉപ്പു എന്നിവ ചേര്‍ത്ത് തിളപ്പിച്ച്‌ തണുത്ത ശേഷം മാങ്ങയില്‍ ഒഴിക്കുക. ഇതിലേക്ക് കടുക് തളിക്കുക. തണുത്ത ശേഷം കുപ്പിയില്‍ ആക്കാം.

kappa beef biriyani

കപ്പ ചെറിയ കഷണങ്ങള്‍ ആക്കിയത്- ഒരു കിലോ

ബീഫ് - അര കിലോ

മഞ്ഞള്‍ പൊടി-കാല്‍ ടീസ്പൂണ്‍

മുളകുപൊടി- രണ്ടു സ്പൂണ്‍

കുരുമുളക് പൊടി- രണ്ടു സ്പൂണ്‍

ഇഞ്ചി-ഒരു കഷണം

വെളുത്തുള്ളി- നാലു കഷണം

പച്ചമുളക്- രണ്ടെണ്ണം

ഇറച്ചി മസാല- മൂന്ന് സ്പൂണ്‍

ഇഞ്ചി-വെളുത്തുള്ളി പേസ്റ്റ്- ഒരു സ്പൂണ്‍

തേങ്ങ ചിരകിയത്- കാല്‍ കപ്പു

മല്ലിപൊടി- ഒരു സ്പൂണ്‍

കറിവേപ്പില- രണ്ടു തണ്ട്

കടുക്- ഒരു സ്പൂണ്‍

വറ്റല്‍ മുളക്- രണ്ടെണ്ണം

എണ്ണ- ആവശ്യത്തിനു

ഉപ്പു- പാകത്തിന് 

ഉണ്ടാക്കുന്ന വിധം

കപ്പ മഞ്ഞള്‍ പൊടിയും ഉപ്പും ചേര്‍ത്ത് വേവിക്കുക. ഇറച്ചി മഞ്ഞള്‍ പൊടി, കുരുമുളക് പൊടി, ഇറച്ചി മസാല, മുളക് പൊടി, ഇഞ്ചി, വെളുത്തുള്ളി, പച്ചമുളക് ഉപ്പു എന്നിവ ചേര്‍ത്ത് വേവിക്കുക. ചീനച്ചട്ടിയില്‍ വേവിച്ച കപ്പയും ഇറച്ചിയും ചേര്‍ത്ത് നന്നായി ഇളക്കുക. മറ്റൊരു ചീനച്ചട്ടിയില്‍ എണ്ണ ചൂടാക്കി തേങ്ങ, മല്ലിപൊടി, അല്‍പ്പം മുളക് പൊടി എന്നിവ ഇട്ടു നന്നായി വറുക്കുക. ഇത് കപ്പയില്‍ ചേര്‍ത്ത് നന്നായി ഇളക്കിയ ശേഷം കടുക് തളിക്കുക. 

Pottatto coconut milk curry

വേണ്ട സാധനങ്ങള്‍

ഉരുളകിഴങ്ങ് കഷണങ്ങള്‍ ആക്കിയത്-അര കിലോ

സവാള നീളത്തില്‍ അരിഞ്ഞത്- അര കപ്പു

ഇഞ്ചി അരിഞ്ഞത്- ഒരു കഷണം

വെളുത്തുള്ളി അരിഞ്ഞത്- നാലെണ്ണം

പച്ചമുളക്-രണ്ടെണ്ണം

തേങ്ങാപാല്‍-ഒരു കപ്പു

മഞ്ഞള്‍ പൊടി-കാല്‍ ടീസ്പൂണ്‍

ഉപ്പു-പാകത്തിന്

കറിവേപ്പില- രണ്ടു തണ്ട്

കടുക്- അര സ്പൂണ്‍

വറ്റല്‍മുളക്- നാലെണ്ണം

എണ്ണ-ആവശ്യത്തിനു

ഉണ്ടാക്കുന്ന വിധം

ചീനച്ചട്ടിയില്‍ എണ്ണ ചൂടാക്കി കടുക് താളിക്കുക.ഇതിലേക്ക് അരിഞ്ഞ ഉരുളകിഴങ്ങ്, സവാള, വെളുത്തുള്ളി, ഇഞ്ചി, പച്ചമുളക്,കറിവേപ്പില,  എന്നിവ ഇട്ടു നന്നായി വഴറ്റുക. മഞ്ഞള്‍പൊടി , പാകത്തിന് ഉപ്പു എന്നിവ ചേര്‍ക്കുക. അല്‍പ്പം വെള്ളം ഒഴിച്ച് നന്നായി വേവിക്കുക. കഷണങ്ങള്‍ വെന്തു കഴിയുമ്പോള്‍ നന്നായി ഉടക്കുക. ചാറ് കുറുകുമ്പോള്‍ തേങ്ങാപ്പാല്‍ ചേര്‍ത്ത് വാങ്ങുക. 

Chemmeen fry

ചെമ്മീന്‍ വൃത്തിയാക്കിയത് - ഒരു കപ്പു

സവാള-കാല്‍ കപ്പു

ഇഞ്ചി അരിഞ്ഞത്-രണ്ടു സ്പൂണ്‍

വെളുത്തുള്ളി അരിഞ്ഞത്- രണ്ടു സ്പൂണ്‍

പച്ചമുളക്-രണ്ടെണ്ണം

കുരുമുളക് പൊടി- ഒരു സ്പൂണ്‍

മുളക് പൊടി- രണ്ടു സ്പൂണ്‍

മഞ്ഞള്‍ പൊടി- കാല്‍ സ്പൂണ്‍

ഉപ്പു-പാകത്തിന്

ഗരം മസാല- ഒരു സ്പൂണ്‍

കറിവേപ്പില- രണ്ടു തണ്ട്

എണ്ണ-ആവശ്യത്തിനു

ഉപ്പു-പാകത്തിന്

ഉണ്ടാക്കുന്ന വിധം

ചെമ്മീന്‍ മുളകുപൊടി, മഞ്ഞള്‍ പൊടി, ഉപ്പു, കുരുമുളക് എന്നിവ പുരട്ടി വറുക്കുക. ചീനച്ചട്ടിയില്‍ എണ്ണ ചൂടാക്കി സവാള, ഇഞ്ചി, പച്ചമുളക്, വെളുത്തുള്ളി എന്നിവ വഴറ്റുക. ബ്രൌണ്‍ നിറമാകുമ്പോള്‍ അതിലേക്കു മുളകുപൊടി, അല്‍പ്പം കുരുമുളക് പൊടി, ഗരം മസാല എന്നിവ ചേര്‍ത്ത് വഴറ്റുക. ഇതിലേക്ക് വറുത്ത ചെമ്മീനും പാകത്തിന് ഉപ്പും ചേര്‍ത്ത് കറിവേപ്പിലയും ഇട്ടു നന്നായി ഫ്രൈ ആക്കുക. 

Beef Pottatto Curry

ആവശ്യമായ സാധനങ്ങള്‍

ബീഫ് - അര കിലോ

ഉരുളകിഴങ്ങ്- രണ്ടെണ്ണം

സവാള അരിഞ്ഞത്- കാല്‍ കപ്പു

ഇഞ്ചി-വെളുത്തുള്ളി പേസ്റ്റ്- രണ്ടു സ്പൂണ്‍

ഇറച്ചി  മസാല- രണ്ടു-മൂന്നു സ്പൂണ്‍

മുളകുപൊടി- രണ്ടു സ്പൂണ്‍

മഞ്ഞള്‍ പൊടി- കാല്‍ സ്പൂണ്‍

ഉപ്പു-പാകത്തിന്

കറിവേപ്പില- രണ്ടു തണ്ട്

എണ്ണ-ആവശ്യത്തിനു

പാകം ചെയ്യുന്ന വിധം

ബീഫ്, മഞ്ഞള്‍ പൊടി,മുളക് പൊടി, ഇറച്ചി മസാല, ഉപ്പു എന്നിവ ചേര്‍ത്ത് വേവിക്കുക. ഉരുളകിഴങ്ങ് എണ്ണയില്‍ വറുത്തെടുക്കുക. ചീനച്ചട്ടിയില്‍ എണ്ണ ചൂടാക്കി സവാള, കറിവേപ്പില, ഇഞ്ചി വെളുത്തുള്ളി പേസ്റ്റ് എന്നിവ ചേര്‍ത്ത് വഴറ്റുക. ഇതിലേക്ക് അല്‍പ്പം മുളകുപൊടി, ഇറച്ചി മസാല എന്നിവ ഇട്ടു വഴറ്റുക. വേവിച്ചു വെച്ച ഇറച്ചി, വറുത്ത ഉരുളകിഴങ്ങ് എന്നിവ ചേര്‍ത്ത് നന്നായി തിളപ്പിക്കുക. പാകത്തിന് ഉപ്പും ചേര്‍ക്കുക. ചാറ് കുറുകുമ്പോള്‍ കറിവേപ്പില ചേര്‍ത്ത് വാങ്ങാം.

ayila kudampuli ittathu

അയില കഷണങ്ങള്‍ ആക്കിയത്- അര കിലോ

വെളുത്തുള്ളി-ഇഞ്ചി പേസ്റ്റ്- രണ്ടു സ്പൂണ്‍

മുളകുപൊടി-നാലു,അഞ്ചു സ്പൂണ്‍

മഞ്ഞള്‍ പൊടി-കാല്‍ സ്പൂണ്‍

ഉപ്പു- പാകത്തിന്

കറിവേപ്പില- രണ്ടു തണ്ട്

എണ്ണ-ആവശ്യത്തിനു

കുടംപുളി- നാലു കഷണം

കടുക്- ഒരു സ്പൂണ്‍

വറ്റല്‍മുളക്- രണ്ടെണ്ണം

ഉണ്ടാക്കുന്ന വിധം

കറിച്ചട്ടിയില്‍ എണ്ണ ചൂടാക്കി കടുക് താളിക്കുക.ഇതിലേക്ക് ഇഞ്ചി,വെളുത്തുള്ളി പേസ്റ്റ് ചേര്‍ത്ത് വഴറ്റുക.  മുളകുപൊടി, മഞ്ഞള്‍ പൊടി, ഉപ്പു എന്നിവ കുറച്ചു വെള്ളത്തില്‍ കലക്കി പേസ്റ്റ് രൂപത്തില്‍ ആക്കുക. കടുക് തളിച്ചതിലേക്ക് ഈ പേസ്റ്റ് ചേര്‍ത്ത് പച്ചമണം മാറുന്നത് വരെ വഴറ്റുക. ഇതിലേക്ക് കുടംപുളി ഇട്ടു ഒരു കപ്പു വെള്ളവും ഒഴിച്ച് തിളപ്പിക്കുക. ഒന്ന് തിളച്ച ശേഷം അയില കഷണങ്ങള്‍ ഇടുക. കഷണഗ്ല വെന്തു കഴിയുമോബ്ല്‍ അടുപ്പില്‍ നിന്നും ഇറക്കി ഒരു സ്പൂണ്‍ വെളിച്ചെണ്ണയും കറിവേപ്പിലയും ചേര്‍ക്കുക. 

unakka irachi fry

ബീഫ് ഉണക്കിയത്- നാലു കഷണം

വെളുത്തുള്ളി ചതച്ചത്- അഞ്ചെണ്ണം

കുരുമുളക് ചതച്ചത്- രണ്ടു സ്പൂണ്‍

കറിവേപ്പില- രണ്ടു തണ്ട്

എണ്ണ-പാകത്തിന്

പാകം ചെയ്യുന്ന വിധം

ഉണക്ക ഇറച്ചി ഒരു മണികൂര്‍ വെള്ളത്തില്‍ ഇട്ട ശേഷം നന്നായി പിഴിഞ്ഞെടുക്കുക. ഇത് നീളത്തില്‍ അരിയുകയോ ചെറിയ കഷണങ്ങള്‍ ആക്കുകയോ ചെയ്യുക. ചെറിയ കഷണങ്ങള്‍ ആക്കി കല്ലില്‍ ചതചെടുതാലും മതി. ചീനച്ചട്ടിയില്‍  എണ്ണ ചൂടാക്കി വെളുത്തുള്ളി , കുരുമുളക് എന്നിവ വഴറ്റുക. കറിവേപ്പില ചേര്‍ക്കുക. ഇതിലേക്ക് ഇറച്ചി ഇടുകുക. നന്നായി ഫ്രൈ ആക്കി എടുക്കുക. ഉപ്പു ഇറച്ചിയില്‍ ഉണ്ടാകും. വേണമെങ്കില്‍ വീണ്ടും ചേര്‍ത്താല്‍ മതി. അല്‍പ്പം ഗരം മസാലയും ചേര്‍ത്താല്‍ നല്ലതാണു. 

ഓലന്‍

കുമ്പളങ്ങ ചെറുതായി അരിഞ്ഞത്‌- 300 ഗ്രാം

വന്‍പയര്‍- 100 ഗ്രാം

പച്ചമുളക്- അഞ്ചെണ്ണം

വെളിച്ചെണ്ണ- പാകത്തിന്‌

തേങ്ങാ- ഒരു മുറി

കറിവേപ്പില- രണ്ടു തണ്ട്

ഉപ്പ്-പാകത്തിന്‌

 

പാകം ചെയ്യുന്ന വിധം

കുമ്പളങ്ങ അറിഞ്ഞതും വന്‍പയറും പച്ചമുളകും പാകത്തിന്‌ ഉപ്പും ചേര്‍ത്ത് വേവിക്കുക(വന്‍പയര്‍ കുറച്ച്‌ നേരം വെള്ളത്തില്‍ ഇട്ടു വെച്ചാല്‍ വേഗം വെന്തു കിട്ടും. അല്ലെങ്കില്‍ വന്‍പയര്‍ വേറെ വേവിച്ചു ചേര്‍ത്താലും മതി). ഇതിലേക്ക് തേങ്ങയുടെ രണ്ടാം പാല്‍ ചേര്‍ത്ത് കഷണഗല്‍ വേവിക്കുക. നന്നായി വെന്ത ശേഷം ഒന്നാം പല ഒഴിക്കുക. അല്‍പ്പം വെളിച്ചെണ്ണയും കറിവേപ്പിലയും ചേര്‍ത്ത് വാങ്ങാം.

Ethappazham puttu

വേണ്ട സാധനങ്ങള്‍

അരിപ്പൊടി- രണ്ടു കപ്പു

തേങ്ങ ചിരകിയത്- ഒരു കപ്പു

ജീരകം- ഒരു നുള്ള്

ഉപ്പു-പാകത്തിന്

ഏത്തപ്പഴം ചെറുതായി അരിഞ്ഞത്-ഒരു കപ്പു

വെള്ളം-ആവശ്യത്തിനു 

ഉണ്ടാക്കുന്ന വിധം

അരിപ്പൊടി,ജീരകം,ഉപ്പു എന്നിവ ചേര്‍ത്ത് പാകത്തിന് തിരുമ്മി എടുക്കുക. നന്നായി തിരുമ്മിയ ശേഷം തേങ്ങ ചിരകിയത് അര കപ്പു ചേര്‍ത്ത് യോജിപ്പിക്കുക.  (പുട്ട് കൈകൊണ്ടു തിരുമ്മിയ ശേഷം മിക്സിയില്‍ ഒന്ന് അടിചെടുതാല്‍ കട്ടയില്ലാതെ പുട്ട് ഉണ്ടാക്കാം.) ഇതിലേക്ക് അരിഞ്ഞു വെച്ച ഏത്തപ്പഴം ഇട്ടു ഒന്ന് ഇളക്കുക. പുട്ട് കുറ്റിയില്‍ ഈ കൂട്ട് ഇട്ടു ഇടയ്ക്കു തേങ്ങയും ഇട്ടു ആവി കയറ്റി എടുക്കുക

koonthal/kanava fry

കൂന്താല്‍- അര കിലോ

സവാള- രണ്ടെണ്ണം

പച്ചമുളക്- മൂനെണ്ണം

ഇഞ്ചി- ഒരു കഷണം

വെളുത്തുള്ളി- നാലെണ്ണം

കുരുമുളക് പൊടി- ഒരു  സ്പൂണ്‍

മഞ്ഞള്‍ പൊടി- കാല്‍ ടീസ്പൂണ്‍

മല്ലിപൊടി- ഒരു സ്പൂണ്‍

ഗരം മസാല- ഒരു സ്പൂണ്‍

തക്കാളി- ഒന്ന്

തെങ്ങകൊത്- കാല്‍ കപ്പു

ഉപ്പു-പാകത്തിന്

എണ്ണ-ആവശ്യത്തിനു

കറിവേപ്പില- രണ്ടു തണ്ട്

ഉണ്ടാക്കുന്ന വിധം

കൂന്തല്‍ നന്നായി വൃത്തിയാക്കി ചെറുതായി വട്ടത്തിലോ നീളത്തിലോ അരിയുക. ഉപ്പു, മഞ്ഞള്‍ എന്നിവ ചേര്‍ത്ത് വേവിക്കുക. ഒരു ചീനച്ചട്ടിയില്‍ എണ്ണ ചൂടാക്കി സവാള, ഇഞ്ചി, പച്ചമുളക്, വെളുത്തുള്ളി ,തെങ്ങകൊത്, എന്നിവ വഴറ്റുക. ബ്രൌണ്‍ നിറമാകുമ്പോള്‍ തക്കാളി ചേര്‍ക്കുക. ഇതിലേക്ക് മുളക് പൊടി, മല്ലിപൊടി, ഗരം മസാല, കുരുമുളക് എന്നിവ ചേര്‍ത്ത് നന്നായിവഴറ്റുക.ഇതിലേക്ക് വേവിച്ച കൂന്തല്‍ ചേര്‍ത്ത് വഴറ്റി നന്നായി ഫ്രൈ ചെയ്തെടുക്കുക. 

Carrot rice

ആവശ്യമായ സാധനങ്ങള്‍

ബസുമതി അരി- രട്നു ഗ്ലാസ്

കാരറ്റ് ഗ്രേറ്റ്‌ ചെയ്തത്- ഒരു കപ്പു

സവാള അരിഞ്ഞത്-ഒന്ന്

പച്ചമുളക്- മൂന്നെണ്ണം

ഗ്രാമ്പൂ, ഏലക്ക, കറുവ പട്ട- എല്ലാം രണ്ടെണ്ണം

പെരുംജീരകം- കാല്‍ സ്പൂണ്‍

മഞ്ഞള്‍ പൊടി- കാല്‍ ടീസ്പൂണ്‍

കുരുമുളക് പൊടി-കാല്‍ ടീസ്പൂണ്‍

ഗരം മസാല- ഒരു സ്പൂണ്‍

നാരങ്ങ നീര്- ഒരു സ്പൂണ്‍
നെയ്യ്- രണ്ടു സ്പൂണ്‍

കശുവണ്ടി പരിപ്പ്-50 ഗ്രാം

കിസ്മിസ്-50ഗ്രാം

ഉണ്ടാക്കുന്ന വിധം

രണ്ടു കപ്പു അരിക്ക് നാലു കപ്പു വെള്ളമെടുത്തു തിളപ്പിക്കുക. ഇതിലേക്ക് കറുവാപട്ട, ഗ്രാമ്പു, ഏലക്ക എന്നിവ ഇട്ടു തിളച്ച ശേഷം അരി ഇട്ടു അധികം വെന്തു പോകാതെ വേവിച്ചെടുക്കുക. ചീനച്ചട്ടിയില്‍എണ്ണ ചൂടാക്കി സവാള,പച്ചമുളക് എന്നിവ വഴറ്റുക. ഇതിലേക്ക് ഗ്രേറ്റ്‌ ചെയ്ത കാരറ്റും ചേര്‍ത്ത് നന്നയി വഴറ്റുക. രണ്ടു സ്പൂണ്‍ നെയ്യും ഒഴിക്കുക. ഇതിലേക്ക് മഞ്ഞള്‍ പൊടി, കുരുമുളക് പൊടി, പാകത്തിന് ഉപ്പു എന്നിവ ചേര്‍ത്ത് വഴറ്റിയ ശേഷം വേവിച്ച അരി ഇട്ടു ഇളക്കുക. ഗരം മസാല ചേര്‍ത്ത് വീണ്ടും ഇളക്കുക. നാരങ്ങ നീരും മല്ലിയിലയും ചേര്‍ത്ത് വാങ്ങുക. നെയ്യില്‍ കശുവണ്ടി പരിപ്പും കിസ്മിസും ഇട്ടു വറുത്ത് ചോറിനു മുകളില്‍ വെച്ച് അലങ്കരിക്കാം. തേങ്ങ ഇഷ്ടമുള്ളവര്‍  അല്‍പ്പം തേങ്ങ ചിരകിയതും ചോറില്‍ ചേര്‍ത്ത് ഉപയോഗിക്കാം. 

Egg stew

ആവശ്യമായ സാധനങ്ങള്‍

മുട്ട വേവിച്ചത്- നാലെണ്ണം

സവാള അരിഞ്ഞത്- ഒരെണ്ണം

ഇഞ്ചി അരിഞ്ഞത്- ഒരു സ്പൂണ്‍

വെളുത്തുള്ളി അരിഞ്ഞത്-ഒരു സ്പൂണ്‍

പച്ചമുളക്- നാലെണ്ണം

കറുവപ്പട്ട, ഗ്രാമ്പൂ, ഏലക്ക-എല്ലാം രണ്ടെണ്ണം വീതം

മഞ്ഞള്‍ പൊടി- ഒരു നുള്ള്

കുരുമുളക്- അര സ്പൂണ്‍

ഗരം മസാല- ഒരു സ്പൂണ്‍

കശുവണ്ടി അരച്ചത്‌- ഒരു സ്പൂണ്‍

തേങ്ങാപാല്‍- ഒന്നും രണ്ടും പാല്‍ എടുക്കണം.

ഉപ്പ്-പാകത്തിന് 

പാകം ചെയ്യുന്ന വിധം

ചീനച്ചട്ടിയില്‍ എണ്ണ ഒഴിച്ച് സവാള, ഇഞ്ചി, പച്ചമുളക്, വെളുത്തുള്ളി എന്നിവ വഴറ്റുക. മഞ്ഞള്‍ പൊടിയും ചേര്‍ക്കുക. ഇതിലേക്ക് കറുവാപട്ട, ഗ്രാമ്പൂ, ഏലക്ക എന്നിവ ഇട്ടു മൂപ്പിച്ച ശേഷം  തേങ്ങയുടെ രണ്ടാംപാല്‍ ചേര്‍ത്ത് തിളപ്പിക്കുക. തിളച്ച ശേഷം കശുവണ്ടി അരച്ചതും ചേര്‍ക്കുക.പാകത്തിന് ഉപ്പും ചേര്‍ക്കുക. ഇതിലേക്ക് വേവിച്ചു വെച്ച മുട്ട ഇടുക. ഒന്ന് തിളച്ച ശേഷം  കുരുമുളക്  പൊടിയും ഗരം മസാലയും, കറിവേപ്പിലയും ചേര്‍ത്ത് ഒന്നാം പാല്‍ ഒഴിച്ച് വാങ്ങാം. 

Bread Upma

ബ്രഡ് ചെറുതായി പൊടിച്ചത്- ഒരു കപ്പു

സവാള പൊടിയായി അരിഞ്ഞത്- കാല്‍ കപ്പു

ഇഞ്ചി പൊടിയായി അരിഞ്ഞത്- രണ്ടു സ്പൂണ്‍

പച്ചമുളക് പൊടിയായി അരിഞ്ഞത്- രണ്ടെണ്ണം

തേങ്ങ ചിരകിയത്- കാല്‍ കപ്പു

കോഴി മുട്ട- ഒന്ന്

കറിവേപ്പില- രണ്ടു തണ്ട്

കടുക്- അര സ്പൂണ്‍

വറ്റല്‍ മുളക്- മൂന്നെണ്ണം

വെളിച്ചെണ്ണ -പാകത്തിന്

ഉപ്പു-പാകത്തിന്

പാകം ചെയ്യുന്ന വിധം

ചീനച്ചട്ടിയില്‍ എണ്ണ ചൂടാക്കി കടുക് തളിക്കുക. ഇതിലേക്ക് സവാള,ഇഞ്ചി,പച്ചമുളക് എന്നിവ നന്നായി വഴറ്റുക. തേങ്ങ ചിരകിയതും പാകത്തിന് ഉപ്പും ചേര്‍ക്കുക. അതിലേക്കു മുട്ട പൊട്ടിച്ചു നന്നായി ചിക്കുക. പൊടിച്ച ബ്രഡും ചേര്‍ത്ത് നന്നായി ഇളക്കി രണ്ടു മൂന്നു മിനിറ്റു കഴിയുമ്പോള്‍ കറിവേപ്പില ചേര്‍ത്ത് വാങ്ങാം.

Fish ularthu

ആവശ്യമായ ചേരുവകള്‍

നല്ല ദശകട്ടിയുള്ള മീന്‍ ചെറിയ കഷണങ്ങള്‍ ആക്കിയത്- അര കിലോ

സവാള നീളത്തില്‍ അറിഞ്ഞത്- ഒരു കപ്പു

ഇഞ്ചി അരിഞ്ഞത്- കുറച്ചു

വെളുത്തുള്ളി അരിഞ്ഞത്- പത്തെണ്ണം

പച്ചമുളക് അരിഞ്ഞത് -നാലെണ്ണം'

തേങ്ങ കൊത്- കാല്‍ കപ്പു

മുളക് പൊടി- രണ്ടു സ്പൂണ്‍

മഞ്ഞള്‍ പൊടി- കാല്‍ സ്പൂണ്‍

ഗരം മസാല- ഒരു സ്പൂണ്‍

ഉപ്പു- പാകത്തിന്

കറിവേപ്പില- രണ്ടു തണ്ട്

എണ്ണ- ആവശ്യത്തിനു

ഉണ്ടാക്കുന്ന വിധം

മീന്‍ ഉപ്പു , മഞ്ഞള്‍, മുളക് എന്നിവ പുരട്ടി വറുത്തെടുക്കുക. ചീനച്ചട്ടിയില്‍ എണ്ണ ചൂടാക്കി സവാള, ഇഞ്ചി, വെളുത്തുള്ളി, പച്ചമുളക്, തെങ്ങകൊത് എന്നിവ വഴറ്റുക. പാകത്തിന് ഉപ്പു ചേര്‍ക്കുക. മുളക് പൊടി ഗരം മസാല എന്നിവ ചേര്‍ത്ത് നന്നായി ബ്രൌണ്‍ നിറമാകുന്നതു വരെ വഴറ്റുക. ഇതിലേക്ക് വറുത്ത മീന്‍ കഷണങ്ങള്‍ കുടി ഇട്ടു നന്നായി ഉലര്‍ത്തി എടുക്കുക.