8/29/2010

Mathanga poovu thoran


മത്തങ്ങയുടെ പൂവ് ചെറുതായി അരിഞ്ഞത്‌- അര കപ്പ്
തേങ്ങ ചിരകിയത്- കാല്‍ കപ്പ്
സവാള ചെറുതായി അരിഞ്ഞത്‌- കുറച്ചു
വെളുത്തുള്ളി -രണ്ടല്ലി
മഞ്ഞള്‍പൊടി- കാല്‍ ടീസ്പൂണ്‍
പച്ചമുളക്-മൂന്നെണ്ണം
ഉപ്പു- പാകത്തിന്‌
കറിവേപ്പില- രണ്ടു തണ്ട്

തേങ്ങ, സവാള, വെളുത്തുള്ളി, പച്ചമുളക്, മഞ്ഞള്‍പൊടി, ഉപ്പു എന്നിവ അറിഞ്ഞു വെച്ച പൂവില്‍ ചേര്‍ത്ത് കൈകൊണ്ടു തിരുമ്മുക. ചീനച്ചട്ടി ചൂടാക്കി എണ്ണ ഒഴിച്ചു കടുക് താളിക്കുക. ഇതിലേക്ക് തിരുമ്മി വെച്ച പൂവ് ചേര്‍ക്കുക. നന്നായി ഇളകി രണ്ടോ മൂന്നോ മിനിറ്റു കഴിയുമ്പോള്‍ വാങ്ങാം. പൂവിന്റെ കൈപ്പു മാറ്റാന്‍ സവാള കൂടുതല്‍ ചേര്‍ത്താല്‍മതി.

onakka kappa


ഒണക്ക കപ്പ -അരകിലോ
തേങ്ങ ചിരകിയത്- അര കപ്പ്
കടുക്- കാല്‍ സ്‌പൂണ്‍
വറ്റല്‍മുളക്- മൂന്നെണ്ണം
കറിവേപ്പില- കുറച്ചു
ഉപ്പു- പാകത്തിന്‌
വെളിച്ചെണ്ണ- പാകത്തിന്‌

ഒണക്ക കപ്പ ഒരു മണിക്കൂര്‍ വെള്ളത്തിലിട്ട ശേഷം അല്പം ഉപ്പു ചേര്‍ത്ത് ചെറിയ കഷണങ്ങള്‍ ആക്കി വേവിക്കുക. ചീനച്ചട്ടിയില്‍ എണ്ണ ഒഴിച്ചു കടുക് താളിക്കുക. ഇതിലേക്ക് വേവിച്ചു വെച്ച കപ്പ ചേര്‍ത്ത് നന്നായി ഇളക്കുക. ഇതില്‍ ചിരകിയ തേങ്ങ  ഇടുക. നന്നായിഇളക്കി അല്പം കറിവേപ്പില ഇട്ടു വാങ്ങാം.

അച്ചിങ്ങ മെഴുക്കുപുരട്ടി


അച്ചിങ്ങ- അരകിലോ
സവാള-രണ്ടെണ്ണം
പച്ചമുളക്- രണ്ടെണ്ണം
തെങ്ങകൊത്-കാല്‍ കപ്പ്
മുളകുപൊടി-ഒരു സ്‌പൂണ്‍
കറിവേപ്പില- കുറച്ചു
ഉപ്പു- പാകത്തിന്‌
വെളിച്ചെണ്ണ-പാകത്തിന്‌

ചീനച്ചട്ടിയില്‍ എണ്ണ ചൂടാക്കി അതിലേക്കു സവാള, തെങ്ങകൊത്, കറിവേപ്പില എന്നിവ ഇട്ടു നന്നായി വഴറ്റുക. മുളകുപൊടിയും ഉപ്പും ചേര്‍ക്കുക. ഇതിലേക്ക് അറിഞ്ഞു വെച്ച അച്ചിങ്ങ ചേര്‍ത്ത് നന്നായി ഇളക്കുക. അല്‍പ്പം വെള്ളം തളിച്ച് അടച്ചുവെക്കുക. അച്ചിങ്ങ വെന്ത ശേഷം വീണും എണ്ണ ഒഴിച്ചു നന്നായിവഴറ്റിയെടുക്കുക.